سألونى الناس لا مش بتاع فيروز سألونى الناس ليه غيرت اسم المدونة؟
ولمن لا يعلم فى هذا الزمن ان مدونتى اللذيذة دى كان اسمها ( من هنا وهناك ) اخترته من زمان ودلوقتى طلع معاش البقاء لله
اه اصل بقاله كام شهر لا انا مش زى الحكومة معاشى بعد 60 لا انا كل كام شهر عشان روح الشباب تدخل بيننا وكدا
نرد بقى على الناس اللى سألت
الاسم الجديد (تييييييييت) هو تعبير عن الادب والذوق والاحترام بدل ماتشتم حد او تغلط فيه بكلمة مش ولا بد
تقول تيييييييت وبكده يبقى وجدنا حل مجازى للألفاظ اللى انتشرت الأيام دى
وبما أنى حاربت التعدى على اللغة العربية وحاربت كلمة سيس من قبل فأعلنها انى قررت الاستعانة بكلمة تيت من قاموس الشباب
ومش معنى كدا انى تخليت عن حملتى للبحث عن أصول الكلمات لا ابدا خالص نهائيا
بدليل اننا كلنا نعرف أصل كلمة تيت من التليفزيون اما كان ييجى واحد يذكر اسم قناة تانية غير اللى هوا بيتكلم منها تلاقى التليفزيون
عمل تيييييييت وكمان اما كانوا يقولوا اعلانات عن شركات تاينة تلاقيهم بيقولوا تيييييييييت على اساس ان الشركة مستنية كلمتهم
ماعلينا صدقونى صدقونى ماهى خلاص بقت تيت بقى
المهم اسم المدونة اتغير بجد هوا عاجبنى يارب يعجبكم بقى عشان انبسط وافرفش وازقطط
هناك 9 تعليقات:
اكدب عليك؟
مكنش له لزمه التغيريامانو
لينا كلام تانى اما اشوفك
بس طالما انت مقتنع بيه فيبقا على بركه الله
تيييييييييييييييييييت
لا دي مش شتومه ولا حاجه
بس دي مدونتك وانت حر فيها وبعدين انا من دعاة التغيير
وملول بشكل خلاني
غيرت اسم المدونه اكتر من مره
وزهت منها ودلتها
وعملت واحده جديده
ولو زهت هغير تييييييييييييييييييت
اه دي شتيمه
بقول هغير امها
همسااات
<<<<<<
لا متكدبيش ياصريحة طبعا ههههههههه
والله هوا التغيير مطلوب بجد بحس بتجديد
وان شاء الله التجربة تحت الاختبار وان شاء الله بالتوفيق وتكمل زى مانا عايز
نورتينى كالعادة يانوجة
أبو العريف
<<<<<<<<<<<
من اكتر الحاجات اللى تساعدنى على الحياة هيا التجديد عشان منوصلش لدرة الملل ههههههههههههه حلوة هغير تييييت دى
نورتنى واتمنى التواصل الدائم
إزيك مانو
في مثل قديم بيقول إخر الزمر تيت
يعني الكلمه موجوده من زمان ومعني
المثل ينفع لكل زمان.
التغير في حياتنا بيكون احيانا مفيد
إلا في حالة تغير الدم وتغير الجلد
ربنل يسترها بتمني ليك التوفيق
والنجاح عدى علي مدونتي وعلق في
إتنين موضوع من أرشيف حياتي رأيك
يهمني
تحيييييييياتي
وفاء بركات
أستاذتى الفاضلة مفتقدينك بجد يارب تكونى بخير
طبعا التغيير مهم جدا ولكن بحدود العقل والتقاليد اللى اتربينا عليها
لان كدا نبقى بنغير مبادئنا معاها
ان شاء الله اعدى على المدونة قريب وتقبلى احترامى وتحياتى
شكرا ياباشا علي تلبية الدعوه وعلي التعليق .
ربنا يكرمك
افااااااااادك الله يامانو والله
اول مرة اعرف ان تييييييييت
دى مشتقة من الصوت بتاع
الغلوشة على اى كلمة
مش ولابد فى الفتازيون
ياسلام ياولاد خدو
الحكمة من افواه
الشباب :):)
مبروك التغير
وحتفضل
شباب
طول ما انت
بالروح الحلوة دى اكيد.
norahaty
<<<<<<<<<
أولا نورتينة بعد فترة انقطاع ويارب تكونى بخير دايما
ماهوا احنا لازم نبرر برده أصل بصراحة الكلمة عجبتنى جدا بس خلاص الناس اقتنعت انها صوت غلوشة بقى متفتحيش فى القديم وتسلمى على الكلميتين الحلوين دول ويااااااارب روح الشباب دى فعلا تتوجد داخل كل الناس لانها ممكن تصنع فارق كبير أوى
اتمنى التواصل الدائم وبلاش تغيبى كتير
إرسال تعليق