ده واد سيس ياعمنا اللى هوا ماسك الجيتار وشايله يعنى على كتفه وماشى
ده عيل سيس اللى هوا مسقط البنطلون لغاية ركبته
اوووووووف ايه الشاب السيس دا اللى واقف بيتكلم مع البنت الجامدة جدا دى فى الكلية
انت هتبقى زى الشباب السيس ولا ايه اللى هما بيعملوا حاجات مايعة زى البنات الواد اللى ماشى باللبانة دا سيس أوى
ولا اللى لابس سلسة سيس برده
ولا الواد اللى اتأخر على صاحبه راح صاحبه قايله دانت عيل سيس
ولا الواد اللى بيتراخم وبيهزر مع أصحابه راحوا يقولوله ماتنجز ياسيس
فى الفيلم بتاع كدا رضا بقى بقوله يعنى ايه سيس قاله زيك كدا ولو تفتكروا كانت شخصية سمسم هادى وطيب وملوش دعوة بحد يعنى
يمكن عكس بعض الحاجات اللى احنا قلناهاطيب ايه بقى ؟؟؟
يعنى ايه سيس ياجدعان الكلمة دى جتلنا منين من اى لغة ولا من أى حروف دى عربى ولاانجليزى دا يامرسى والله بجد انا بسمع
الكلمة وبقولها طبعا مع الموجة وخلاص بس نفسى أعرف مصدرها من اى دولة ولا من أى ثقافة ولو مش عارفيندى تبقى كارثة ولا
كارثة ليه طيب مافى بيس برده وفى كمان الفرانكو اراب ولا فاهمه برده بس اهو موجود ليه بقى عشان اللغة بتاعتنا وحشة ولا شكلها
مش على الموضة ولا بعيدة عن البرستيج وهنوصل فى الأخر للى الفرق بين الاجيال بس دا مش فرق بين الاجيال لانى دى لغة يعنى
من الثوابت زيها زى عاداتنا وتقاليدنا يمكن أنا غلطان برده مش عارف يمكن انا دقة قديمة طيب ازاى وانا مواليد 88 يعنى فى شهر
يعنى بيقولوا عليا شاب يعنى لو حد عرف يبقى قولى والنبى عشان نلحق اللغة دى ولا أنتوا مش معايا ولا ايه
لو موافقين على اليلة دى قولوا برده عادى بس أهم حاجة نوصل للمصدر واهوو كلنا بندور......وربنا يقدرنا ونوصل
هناك 17 تعليقًا:
حاجة تحير بجد؟
لو سايرت اصحابك شوية شوية حتنسى العربى خااااالص
ولو ما جاريتهم حيبقى دمك تقيل (بالنسبة لهم طبعا)
طب ايه العمل يامانو؟
ايه العمل يامانو؟
ايه العمل ؟
الصراحة
مش عارفة
حاجة تحير:(
مواليد 88
انا اكبر منك بسنه شفت بقى
سيس دى بقى ياسيدى نتيجه لتداخل العربيه والفرانكو الانجليزى ولغه الروشنه
حاجاه كده زى نفض واحلق
كلام بيطلع من غير اصل
واحنا علشان بقينا شعب بدون هويه بنفرح بيه
انا شخصيا دارسه لغه عربيه
واحب اقولك ان اللغه دى خلاص
بقت فى الروايات والكتب القديمه
ودمتم
norahaty
<<<<<<<<
يعنى انتى جاية تحيرينا وتحتارى برده
ههههههههههه
تعرفى ايه المشكلة أننا فعلا فى اوقات بيبقى لازم نقول الكلام دا لانك بتعاشرى الناس دول عموما هنحاول نلاقى نحل وادينا بدأنا الطريق باننا اتكلمناوطالما كلنا مش عارفين يبقى بشرى خير اننا نتفق على انها ظاهرة
نورتينى طبعا ونورتى المدونة واتمنى التواصل الدائم بالمدونات
نودى
<<<<<<<<
العمر واحد يانودى والله تعرفى ليا حكاية طبيرة مع موضوع العمر دا يمكن انزله فى مدونة بعدين
ايه التفاؤل دا بس وبتقولى بتاع لغة عربية لا لا لازم تقولى فى أمل ان شاء الله
انا عارف ان تداخل اللغات المنيلة دى هوا السبب بس نعمل ايه بقى ياأختى الشبابا فاضى ومش لاقى غير الكلام يطلع فيه جديد طيب مايطلع فى اى حاجة تانية ليه مش عارف او يمكن عشان احنا شعوبنا بتعتمد على الكلام شوية
نورتينى يانودى ومتحرميناش من الزياة خاصة بعد اما عرفت انك من المنصورة بلديات يعنى
شباب سيس وفانكى وكوووول
اي كلام بقى ماشى ومفهوم
بس انا معاك فى البحث ده
ولو انى متاكده ان اى كلام ممكن نقوله الناس بطلعه وبيبقى كلام الشباب الايام دى
اللغه العربيه فين بقى الوقتى الشاب فى العصر اللى احنا فيه ده مبيتكلمش كلمتين عربى على بعض
والمفروض انه مصرى اصلا
ولا تلاقيه بيتكلم لغه معينه برده
يعنى من الاخر ربنا معاهم ومعانا احنا برده
وجارى البحث.............
ههههههههههههههههه
انتا مصر تعرررف يا مانو
لو عرفت كرومبو هتعرف يعنى ايه سيس
اهو كرومبو دا وحلقاته هو التفسير المنطقى لكلمه سيس
الله يرحم العربى
انا متوقعه بعد كم سنه كدا
الناس هتنسا تقول صباح الخير ومساء الخير
هيخترعو كلام جديد
amnesia
<<<<<<<
ايوا اهم حاجة يفضل البحث جارى يعنى نسيطر حتى على نفسنا شوية فى الكلام دا انا مش عارف نعمل ايه بالضبط برده بس اهوو على الأقل نفكر الناس ان دى مش لغتنا
نورتى يانونا
همسااات
<<<<<<
والله على رأيك داحنا بنستنى كرومبو هههههههههه وصل بينا الحال اننا ننتظره مع ان فى الأول والاخر هوا ايه مش عارف وبعد كام سنة فعلا ممكن نقول بدل صباح الخير
نقول توكو توكو وبلاش تسألى يعنى ايه
كله زى بعضه بقى
نورتى المدونة يانوجةكالعادة دايما كدا يارب
ذكر عن غير واحد انه :
سيس دى تقريبا تحريف لكلمة "شيش" طاووق بس واضح ان الشعب كله خلع سنانه
قوم "شيش" بقيت سيس
والله اعلم
وبدأ فرحات أفندى(الأنسة دودو) البحث والاستشارة من شباب العصر وكما قالت اول الأراء انها تحرف لكلمة شيش ولكن لأنه صعب ان الشعب كله يخلع اسنانه لاننا عندنا الكالسيوم تمام يبقى صعب هذا الرأى ولكن نضعه فى الحسبان
نورتنا يافرحات أفندى
اهنئك مانو على طرح هذا الموضوع ...
بجد موضوع فى الصميم ...
لان بجد انا زعلانه على لغتنا العربيه ...
ده انا والله بقيت بفهم الانجليزى اكتر من اللغه العربيه العاميه :)
فى كلمات متهيألى جايبنها من كوكب المريخ او حاجه زى كده ههههههههههه ..
بس انا مصممه ان إحنا نحارب هذه الكلمات ونتمسك باللغه العربيه المعافاة من كلمات الروشنه ...
فكلمه سيس لا محل لها فى اللغه اصلا ...
..............
تقبل تحياتى ...
butterfly
<<<<<<<<<
انا مش عارف ليه فعلا الانجليزى مش بيحصله كدا ولا مفيش عندهم شباب مبدع زى اللى عندنا كل يوم بيخترع كلمة جديدة ولا بيجيبوها من المريخ على رأيك
نورتينى كالعادة طبعا واتمنى التواصل الدائم
كل سنه وانت طيب
يكنش قاصده سايس يعني اكل مش مسبك
وملوش طعم وحلبتك سايسه يامعلم
كلام غريب بنسمعه ياسلام يامانو لو
يعملو برنامج لغتنا الجميله في التليفزيون بدلا من الإذاعه ويخلو المسلسلات باللغه العربيه ..
صدقني مره سألت مدرسة عربي خريجة تربيه عربي وكانت تعليم ازهرى لغاية ثانوى عن معني كلمه موقعها في الإعراب قالت لي قلبك ابيض ياطنط خارج المنهج متسأليش
الأستاذة الفاضلة
وفاء بركات
ممكن يكون سايس برده ماهو احنا مش عارفين اصلها وادينا بنبتكر وخلاص
يعملوا برنامج يتكلم عن اللغة العربية فى ظل وزير إعلام فاسد وإعلام أفسد لا ماأظنش خالص لأن الموضوع دا عايز حد فاهم يعنى ايه عربى مش فاهم يعنى ايه فلوس وخلاص
بعدين اما المدرس مش عارف ازاى هنطلع طلبة عارفين بقى ربنا يستر على الجيل اللى جاى لو مفيش حد لحق يغير بجد فى نظام التعليم دا
منورانى ياأستاذة دايما كدا ويارب ماتحرمينا من ردودك الجميلة
سيس :D
انا سمعت من مصدر موثوق ان معناها كلمه مش حلوه ابداااا
اولها الحرف الي ف اول اسمه خالد
ومن تلت حروف
ان شاء الله افدتك :D:D:D
شاب سيس , واد خنيق , بيس يا مان , خليك روش , تقدر تعيش في زمن كله تعيس , اللي صح هوه البضين , واللي لأ يبقى تيس , هتيجي عندي هكحرتك , تبعد عني أكروتك , ضاع الشباب وكله ده راضي الرئيس
إيه رأيك في الراب ده
وتحياتي ليك على الموضوع
انا مش ضد الكلام باللغة الانجليزية دى ثقافة لكن مع حد يفهمها مش ندخل الانجليزى ف كلامنا العربى وتبقى نوع من الفشخرة على الخلق ده بالنسبة للغة اما الكلام الاهبل ده سيس ومش عارفة ايه اى افتكاسات تافهة بس لذيذة تضحك يعنى بس ليه نقول الكلام واحنا م عارفين معناه انا عن نفسى لو اعرف معنى ثابت ليها هقولها بعيد عن ان احنا بنلعب باللغة او كده لو ليها معنى عربى يبقى نقولها وليه لا انا متهيىء والله اعلم معنى سيس لسة اخويا قايللى اهوه اولا هى للولاد فقط يعنى معنا انه مش راااااجل شوفوا بقى كلمة مش راجل تشمل ايه وايه وايه ... الخ
إرسال تعليق