دعوه الى كل الأصدقاء .....أهلا

أهلا كل اصدقائى وادعوكم معى لوداع وترحيب

ونبدأ بالوداع..

فى اخر سطور السنه الميلاديه أعجز عن وصفها بأى شىء الا شىء احد فقط أنها كانت عام من حياتى

حدث ما حدث من امور صعبه وأخرى نظرنا اليها بصعوبه واخرى مبهجه وغيرها من الاحداث السعيده واللحظات الرائعه من حب وضعف وفراق وكسل وملل وأمل وتحدى وتفاؤل وليست من عادتى ان ارى الاشياء بمجملها لانها هيا الحياه بها الشىء ونقيضه حتى نعلم مدى جمال وروعه الأشياء.

عندى اعترافات بسيطه واتمنى المشاركه معى..

- اعترف انى خطأت فى حق نفسى وحق حياتى بمجملها بخطأ ارتكبته هذا العام

- اعترف انى لازلت لا املك الترتيب والبدايه مع العلم انى املك ثقه احمد الله عليها

- اعشق كل لحظات حلوه مرت عليا هذا العام وهو من الاعوام التى لا يمكن ان انساها

- تعملت كثيرا واكثر من توقعى من كل شىء حدث لى هذا العام

- مرت عليا اوقات حب الحياه ومرت عليا اوقات الكسل والخمول

- بدأت أشعر أن الحياه لا بد أولا وأخيرا أن تعتمد على شخص الانسان لا اى شىء أخر

- سامحت كل من اخطأ فى حقى واتمنى أن يسامحنى اى انسان أخطأت فى حقه

الترحيب..

- اهلا بك عام قادم اتمنى من الله ان يكون خيرا على كل البشر
- احب الحياه برغم كل شىء وينقذنى اى شىء جديد من بؤره الكأبه لذلك اتفاءل بهذا العام
- اتمنى من الله ان استطيع تحقيق مايسعد أهلى ويجعل رضاهم دائم عليا
- اتمنى التقارب بين كل شىء المسلمين وبعضهم العرب وبعضهم بين كل البشريه ان نبحث عما هو مشترك ونجعل منه حياه بيننا
- شعور انه سياتى الوقت الذى يمنحنى الله عز وجل ما اريد بل وأكثر يجعلنى اثق اكثر فى كل شىء
- اتمنى من الله ان يهيدنى ان كل الطرق التى تجعلنى اخرج من الدنيا انا تارك بصمتى فيها

التفاؤل....التفاؤل...التفاؤل...ودائما نحن نستطيع لو أردنا ذلك......ومن الفشل يبدأ النجاح

كما قال الدكتور ابراهيم الفقى:: نحن نعيش حياه واحده فقط اذا لماذا نعيشها ونحن نفقد لحظه منها فى التعاسه

__ لذلك نعيش أحلى مافى الحظه__

عن تجربه افعل اى شىء لاسعاد الناس ولو بسيط وستشعر باحساس رائع لا يفوقه شىء

بحبكم فى الله وأتمنى عام احلى واجمل واسعد من اللى قبله

تقبلوا احترامى :::: مااااانووو

حاله توهان وليست عجز

الإختيار :: هل يستحق ان نحبه ام نكرهه نحبه لان كل انسان يشعر انه حر اذا اختار شىء يحبه واستمر فيه
ام انكرهه لأنه يضع بعضنا فى مواقف لا يحسد عليها ومن الناس من يصل الى الاكتئاب بسببها.

*************************

الاختيار المجبر الذى تدفعنا اليه الحياه او الظروف المحيطه هل هو مثل اى شىء يحتمل الصواب والخطأ
ام انه حقا ضعف للشخصيه .

*****************************

حاله من التوهان بين تعاملى مع الناس هل هو صحيح بالرغم ان معظم الناس ترى انى شخص يستطيع التعامل فى كل المواقف وفى معظمها بهدوء وخبره قليله من 23 سنه بسيطه فى الحياه ولكن احساسى الدائم لتغيير كل شىء هو الذى يجعلنى أفكر فى كل ما أفعله حتى ولو كان شىء مريح لى ومريح لمن حولى

**************************

امتدت حاله التوهان لشىء أساسى وهو طريقه النظر للمشاكل وطريقه حلها سواء كانت تخصنى او تخص اى انسان أعرفه
أرى ان كل مشكلات الانسان بسببه الا حالات الابتلاء من الله فعلينا ان نتحملها ونعلم انها خير اتعجب من طريقه تفكر شخص يصنع مشكله لسبب تافه وبرغم كل ذلك اتعامل مع المشكله على انها مشكله

************************

تستمر حاله التوهان للمستقبل وحياتى ومجالى الذى اخترته واخترت ان استمر فيه وكان اختيار مجبر لأنى لم أحبه ولكن حبيته قربه من دراستى وجو العمل فيه والى الان لا اعلم اذا كنت احبه او لا او تكون المشكله الرئيسيه فى حاله الملل التى لا تجعلنى استمر فى شىءواحب تغيير كل شىء وزياره كل شىء والانتقال بين كل شىء.

***************************

حبى للمتعه والسعاده والانبساط دائما يخفى احساسى بالمسئوليه وان لكل مقام مقال جعلنى ابحث عن ما يجعلنى سعيدا فى اى مكان قبل ان افعل الشىء الاهم ولكنى ابدأ بالمهم من وجهه نظرى يمكن لانى تعودت أن أخطف أوقات السعاده من الدنيا ولكنى الأن امتدت بيا الحياه أن أصنع تلك الحالات بعيد عن اى شىء حتى لو كانت على حساب اى شىء منها اولهم حياتى.

*****************************

فى الأخر انا متفائل جدا جدا وزى ما كتبت على الفيس بوك النهارده حاسس انى هوصل ان شاء الله
أوصل لحاجات كتير نفسى فيها لان ربنا وحده عارف انا بفكر فيها ازاى
ودى كانت اخر سطور واحد من اصحاب برج الجوزاء المتقلب دائما.

**********************

الصوره اللى حاططها هيا لكتاب بحبه اوى اوى قريته من كام سنه وافتكرته دلوقتى هو (كتاب الحب) للكاتب يسرى الفخرانى
كتاب حالته حلوه انصح بقراءته.

فى مدينتى المفضله التى اشتاق الذهاب اليها من فتره لأخرى ونور الصباح يجعل عينا تتفتح ومن سحر رائحه اليود الناتج من البحر

وعيونى تمر على المبانى والاعلانات رغم علمى بها جيدا

نظرى الى هذا المبنى الشاهق والرائع التصميم كل مره كانى اراه لأول مره

احساسى بهواء البحر والتاكسى يجرى وعيونى تدقق فى السيارات المجاوره

محاوله منى للاستمتاع او لكى اعيش حاله الاسترخاء التى اتيت من أجلها

نظرى لكل الكافيهات والمطاعم التى تطل على البحر مباشره

واذكر لنفسى كلام كل مره ااتى فيها الى هنا انى اريد ان اجلس فى هذا

او اخذ غدائى فى هذا مع اصدقائى او عشائى فى هذا مع انسانه احبها

يتركنى التاكسى على الجانب الاخر ويدفعنى الموقف ان أنظر للبحر نظر حب وحضن وافتقاد

اجرى لامر للجانب الاخر من الشارع مستمتعا بالجرى والسيارات تمر حولى وصوتها الذى لا يسبب اى ازعاج

و استقر على هذا الكافيه صاحب الماركه العالميه التى تدور حولها الشبهات لانى احب مكانه فى مدينتى المفضله

وبين القهوه الى النسكافيه والموكا اختار ولا مانع من تشيز كيك

الان اعشق احساس الوحده فى تلك اللحظه رغم انى دوما كارها له

الان اصل لمرحله الراحه بطعم النسكافيه والتشيز كيك سويا ولا يفصلها سوى هذا الكائن الممل الذى يقطع كل حالات الناس السعيده

الموبايل

...............فعلا فى مدينه بحبها وبروحها ونظرتى ليها هيا نفس النظره اللى قلتها

وفعلا فى كافيه فيها احبه ولكن الحاله دى لسه موصلتش ليها وانا فيها ..................

هنتعلم امتى ؟؟

نتعلم ايه بقى كل حاجه الموضوع عدى من بالى كدا خاصه انى مقتنع اننا عايشين فى الدنيا عشان نتعلم ونطبق وياننجح يانفشل

كتير اما اجى اتناقش مع حد واسال عن سبب تأخر مش عايز اقول تخلق امتنا العربيه كلها مش مصر هو التعليم وطريقه التعليم لأن الاجيال من صغرها بتاخد أفكار غلط وقال ايه اما يكبروا نقول اجيال تيت وبتفكر فى حاجات تيت

احنا فى التعليم عندنا وفى كل الدول العربيه بلا استئناء بيكره الطالب فى كلمه تعليم اصلا سواء فى الدراسه او فى الحياه

مع ان من وظائف التعليم الاساسيه ان الانسان يعرف ازاى يخطف حاجه تفيده من الدنيا ازاى لما يشوف واحد فى الشارع بيعمل حركه معينه يسال نفسه عن اسبابها ونتائجها مع انها متخصوش بس اهه بيفكر فيها بينه وبين نفسه بمعنى ان كل انسان المفروض يبقى محلل وباحث فى كل لحظه بيعيشها عشان اما ييجى يرتاح وينام باليل يحس بطعم الراحه ....ايه الكلام الكبير دا

بالعلم تبدأ الحضاره ودا ليه امثله كتير من التاريخ بس المشكله ان كمان كلمه العلم بقت تقيله علينا بتفكرنا بالدكتور احمد زويل والدكتور مصطفى السيد والناس اللى احنا فاكرين انهم لا لا دول من اللى كانوا بيذاكروا كتير بتوع علمى قسم احياء مع الدكاتره دول نفسهم مش شايفين العلم بالطريقه دى العلم عندهم هو كل حاجه جديده فى الدنيا العلم هو المعرفه والبحث فى اى حاجه حتى لو كانت مجرد سؤال عن حركه لطفل او احساس جديد علينا............

تخيلوا تخيل بسيط اوى لو بنعيش فى امه عربيه بتعلم اطفالها صح وتربيهم على السؤال وانه ازاى يقول رايه بحريه وبعيدا عن الوقاحه وازاى يحترم الاخرين وازاى يبقى ناجح وازاى يختار مجاله وليه احنا المفروض نعيش بالحب سواء مسلم او مسيحى او يهودى وامتى اقول على حد عدو ليا ازاى اتعامل معاه سواء بالقوه او بالفكر وان النجاح للدين وللوطن وللانسان نفسه لازم يبقوا مترابطين مع بعض وان كلنا لينا هدف واحد هو اننا نبقى اعظم الامم لأن دا مكانا واننا نستحق كدا لأننا كنا طول عمرنا كدا

تخيلوا الطفل دا اما يكبر هيبقى تفكيره ازاى فى الحياه ؟؟؟؟؟؟؟؟؟؟؟؟

تاااااااااج

جالى تاج وتقريبا دى اول مره ارد على تاج فى المدونه بتاعتى المتواضعه

الأول بشكر اقصوصه هانم واتشرفت بدعوتها للتاج طبعا ويار تتواصل التاجات زى ما بيقولوا

__ اذكر اسم من طلب منك حل هذا الواجب؟؟

اقصوصه هانم

__تحدث عن ستة أسرار قد لا يكتشفها من يقابلك للمرة الأولى؟؟

*عصبى:: لأن بالى طويل جدا فيظهر للناس انى بادر نوعا ما لكن لو اتعصبت بصراحه مش ببقى مركز فى اى حاجه

*املك مبادىء ثابته :: انا مرن مع الناس واتحدث بكل بحريه واسمع ايضا ولكن املك قناعاتى الشخصيه واول من يتحدث معى يرى ان شخصيتى سهل تغيريها وهذا عكس الواقع تماما

*مجنون:: كلامى الأول يدل على انى شخصيه احب الهدوء ولكن اذا كنت فعلا احبه فانا اعشق الجنون والانطلاق

* من يرانى لاول مره يظن انى مغرور واتكررت معايا كتير جدا بالفعل ولكن الحمد لله افتخر بتواضعى لله لأن كلنا سواسيه

ويعرف الحقيقه من اشعر انه انسان يستحق ان افتح له قلبى ممكن ان يكون بعد دقيقه او ساعه او يوم او ميحصلش ممكن برده .

__حول هذا الواجب إلى ستة مدونين ، واذكر أسماءهم مع روابط مدوناتهم في موضوعك

مبهوره

روح طفله مش عايزه تكبر

سمو الأميره

صعبان على حالنا

مرمر

انا عايزه اخلع

اترك تعليقا في مدونة من حولت الواجب عليهم ؛ ليعلموا عن هذا الواجب

سيتم حالا ان شاء الله

بشكر اقصوصه على التاج طبعا وانا خطفت يادوب ساعه بعد الفجر كدا عشان ارد ادعولى عندى امتحانات

روعه الحياه...أين نجدها

دائما ما يربط تفكيرى كلمة الروعه والجمال معا وفى كل مره يكون احساسى أن الروعه هيا أسمى من الجمال........

كل شخص رأيته فى حياتى يرى الروعه من وجهه نظره ومن خلال بيئته التى نشأ وتربى فيها انا انسان فضولى بطبعى ودايما أحب اعرف بجد احساس الروعه عند كل واحد بحس انى بالاضافه انى بكون مبسوط كمان بتعرف على الشخصيه اللى ادامى وعلى ثقافتها لأن الاحساس دا خاصه بيكون لكل شخص تفكير خاص بيه زى بصمه الإيد .....

.... البحر فى ساعه الغروب كل الناس تعشق البحر فى الغروب ونعتبره من أسمى درجات الجمال ولكن منا من يحب ان يكون وحيدا ومنا من يحب ان يكون مع شخص معين ولكن انا لا احب البحر فى الغروب بقدر ما اعشق النيل فى الغروب ايوه اختلاف تام بين غروب النيل وغروب البحر لأنى كما ذكرت سابقا كل شخص فى روعته يمكل اختلاف عن الاخر....

........احساس الحب المندمج مع السعاده ويظهر فى لحظه وفاء مع الأهل مع الأصدقاء او لحظه نجاح فى العمل او تحقيق حلم طال انتظاره ويظهر أيضا فى لحظه مع شريك لحياتك..........

.... منا من يحب العصريه فى المولات والكافيهات والمدن الجديده والمطاعم والملاهى ومنا من يعشق الأصاله وانا افتخر انى احدهم وتتمثل الاصاله فى الأماكن الاثريه او المبانى العريقه فى حفله تنوره او مشى الفجر فى الحسين وشارع المعز فى دقه فى استكشاف اماكن الحضاره فى كل بلد ودور كل شىء فى ظهور هذه الحضاره وكيية الحفاظ عليها

........روعه الحياه فى معرفه وقت الهروب من المشكله ووقت التصدى لها روعه الحياه فى معرفه كيكفيه التعامل مع الامور وان نتعامل مع الناس لأننا نريد ان نصل للحقيقه وليس لاننا نريد ان نظهر اخطاءهم روعه الحياه الحقيقه فى تفاؤل الانسان فى ثقته ان كل الخير ياتى من الله واننا فى الحياه نمشى باراده الله وان مشاركتنا فى كل شىء فى المجتمع هو أساس الحياه وان الخير واجب على كل انسان يعيش فى الدنيا وان نشر التراحم بين الناس هو سبب لسعادتنا جميعا ..........

............. روعه الحياه هى ان يعرف كل انسان ماله وماعليه .................

موضوع طلع بالصدفه وكلام جه كدا وخلاص بس ريحنى والله جدا جدا تقبلوا تحياتى::: مااااانوووووو

سورى عن بعدى عن المدونه كان فى فتره استرخااااااااااااااااء

خلصت امتحانات +عن الكوره أتحدث

بسم الله نبدأ اجازه سعيده لمده 20 يوم تقريبا

بلدى مصر ومنتخب مصر اصبحوا مرتبطين ارتباط ليس له مثيل

بجد مبسوط جدا جدا والناس اللى بتتكلم بتقول ايه الفرحه الاوفر دى بقولهم كل واحد يخليه فى نفسه

سيبوا الناس تفرح اللى شفته فى الشوارع امبارح يخلينى اقول سيبوا الناس تفرح باى انتصار

الناس عايزه تضحك عايزه تحس ان فى نجاح ولازم نفتخر حتى لو كان فى الكوره

المنتخب الرائع الرجاله اللى بيلعبوا فيه دول مصريين والمدرب ومصر وحققوا انجاز لاول مره فى ا لتاريخ

اخدوا البطوله 3 مرات متتاليه والسابعه لينا عموما لازم نفرح بعشق الكوره لانها من اكتر الحاجات اللى بتحسسنى بالانتماء

واللى علينا اننا نفكر ازاى نستغل الانتماء دا ونوجهه صح لصالح بلدنا اما كل دول العالم تتكلم وتقول......

الفراعنه أثبتوا أنهم أسياد فريقيا لازم نفرح

أما ربنا يكرمنا برجاله عايزه تحقق هدف وتحققه لازم نفرح

اما نحس اننا بنحب العلم هنتعود نحتفظ بيه دايما.......

** كره القدم مش عيب ولا هيا حرام يابعض المعارضين ويابعض المدعين للاسلاميين

بجد ضايقنى التعليقات السخيفه اللى شفتها من بعض الناس فى الشوارع طيب الشمتانين واللى كانوا عيزنى نخسر وعارفينهم

انتو بتعملوا كدا ليه ماتخلوا الناس تفرح سيبوهم كل واحد فى حاله

اللى شفته فىا لشوارع امبارح افتخر بيه مع انى مكنتش عارف ارجع من الزحمه بس كنت مبسوط والله حتى لو هلف الدنيا كلها على رجلى......

** اسم مصراما يعلى فوق فى حاجه لازم نبقى كلنا وراها واللى عايز يستغل نجاحا لرياضه يستغله فى مجالات تانيه ويورينا همته

ان شاء الله هتعلى كمان وكمان وبغيظ فيكم برده هدخل انتصار الرياضه فى كل انتصار فى الدنيا عملناها

لأننا خير اجناد الأرض لان المصريين على مر العصور لو ركزوا فى حاجه بيحققوها حتى لو كانت مستحيله

قالوا عن بارليف مستحيل نعبره ودمرناه انا بتكلم عن انتصار الطاقه البشريه

من هكسوس لمغول لانجليز لفرنسيين ليهود مفيش حد فيهم أثر فينا ولا حد فيهم قعد عندنا ولا قدر علينا

ناخد الانتصار ونركزه فى مجالات تانيه كتير هنحس بقيمتنا صح لأننا عندنا ناس زى اللعيبه المتدينه بتاعتنا

يكفينا فخرا وشرفا ان العالم كله يتكلم ويقول هما بيسجدوا ليه ونتسمى منتخب الساجدين

أفتخر انى عندنا جيل زى الشباب اللى بيلعبوا فى المنتخب جيل عنده انتماء واصرار بالطريقه دى وأتمنى كلنا نتعلم وننفذ فى مجالاتنا

** وشكر واجب للجماهير العربيه اللى بتحب مصر بس اللى مش بيحبها طبعا ميلزمناش

ناس كتير خرجوا امبارح فى ا لشوارع مع المصريين سواء بلادهم او فى مصر

فىالشوارع امبارح كان فى علم السعوديه ولبنان والامارات وفلسطين طبعا انا بقول على اللى شفته امبارح واى حد فرحلنا اشكره

لأن دا برده انتصار للعروبه لو حد فينا حاسس كلمه العروبه صح اللى نفسى نرجعها زى زمان واحنا ياشباب قادرن نعمل دا والله

اتكلمت من قلبى لأنى محبش حد يرجع الفرحه مهما كانت سببها..............

.... سورى لو طولت عليكم بقى بس فرحان اعمل ايه مليش غيركم .....

سلام وانتظرونى فى الاجازه انا فضيت خلاص

مااااااااااااااانوووووووووووووووووو