دموعك ياغزة

أبدأ منين مش عارف بكتب ليه بس يمكن لانى حاسس أنى مكبوت او مهموم
كرامتى بتضيع ياناس حقى بيروح دموع فى عينى مش قادرة تنزل ولا قادرة تستخبى
نفرض انى معرفش غزة ولا عرفت شفت أهلها ولا اتعاملت معاهم لكن أسمع عن فلسطين
وعن فتح وحماس والوساطة المصرية وغيره وغيره الحاجة اللى انا اعرفها بجد بقى الناس البريئة اللى بتموت دى
الأطفال المساجد اللى اتهدمت ليه حد يدينى سبب والله العظيم وانا بشوف الاخبار بحس ان غزة دى واحد بينزف
واحد بيتقتل كل يوم ميت مرة واحد مسلم عربى غزة مش فى أمريكا ولا أنجلترا غزة فى فسطين اوعوا نكون نسينا فلسطين
ونسينا انها عربية هتفضل عربية لأخر العمر يمكن يكون كلامى زى كلام غيرى بس أهم حاجة انى اتكلمت احسن من اللى بيتفرج
ولا همه شىء ندعى يامسلمين لا نستطيع الا بالدعاء .............

انا مش هنا عشان أقول حماس غلطانة ولا المفروض تعمل أنا هنا عشان أقول
لكل ام فى غزة افتخرى بابنك مات شهيد افتخرى بزوجك فى سبيل وطنه راح أحسن من الشباب اللى بيموت وهوا بيشرب مخدرات وغيره وغيره اصمدوا ياأهل غزة الكرامة والمجد لكم مش لحكام العرب الأندال العزة والفخر لمن بداخل النار وليست لمن يشاهدها من بعيد مش هنقول ياعينى ودول غلابة هنقول نحسبهم عند الله شهداء وندعى لكل شهيد فى الامة الاسلامية بالرحمة والمغفرة وان يرفع العدوان الظالم عن كل شبر مسلم وان تظل غزة أهلها صامدين فى وجه الكيان الصهيونى..........

يااااااااااااااااارب عليك باليهود أعداء الدين وصبر أهل شهداء غزة أهل العزة والكرامة

سهم لكل موطن( هنعيش فين)

اه يابلدى خلاص هيعملوكى أسهم تبقى فى البورصة زى الحديد والأسمنت قال ايه ده حق الشعب والشعب مش عايز ده

مش عايزين نشترى ولا نبيع مش عايزين ييجى اليوم اللى نلاقى فيه البلد ملك واحد منهم انا مش فاهم بس فجاة فى يوم بفتح

التليفزيون لقيت (الرئيس) جمال مبارك بيقول هنبيعها خلاص واللى عايز يشترى ييجى قلت هما بيهزؤوا ولا ايه ولا لسة شايفين فيلم

عايز حقى قريب انا بحلم ولا ايه ده تهييس ولا حقيقى تعرفوا ايه اللى حصل طلع سيادة الريس بيتكلم بجد دمعت اه ادمع واتكلم واعيط

وازعق للدنيا كلها هنعيش فين هنعيش ازاى هنعمل ايه لا ايه بقى ممنوع البيع للأجانب هههههههههههههههه قال ايه الخوف من

الأجانب اجانب مين والناس نايمين الخوف من أولاد البلد اللى ماهيصدقوا يشتروا وفجأة يقولك أسهم الأهرامات ارتفعت ولا أبو الهول

مش تمام النهاردة اضحك عليكى يابلد ولا اتعجب ولا ازعل يعنى خلاص أكرهك مقدرش مفيش حد يقدر يكره قدره لان فى الأول والأخر

قدر أولادك قسوا عليكى اوى يامصر وعملوها عزبة ويورثوها لبعض انا لغاية وانا بكتب دلوقتى مش فاهم هل فعلا كل حاجة هتبقى

أسهم هل مصر بتتباع فعلا ولا هيا اتباعت من زمان وبيجملوا الصورة انهم يبيعوا الباقى للشعب احنا من مصر فعلا ولا من بلد تانية

هيا دى بلدنا ولا بلد الحزب الوطنى وحشتنى مصرأوى أوى وحشتنى مصر اللى بتبنى وتعلى وحشتنى البلاد النظيفة وحشنى أهلها اللى

بيحبوها ويخافوا عليها فينك ياناصر تشوف اللى حصل تشوف اللى انت رجعته واتحديت العالم ايه اللى بيحصل فيه

هقول ايه ولا ايه بس انا بحب البلد دى أوى وده الطبيعى بلدى ياناس أكرهها ازاى الله يلعنهم اللى بيحاولوا يكرهونا فيها

ومعدتش أقدر أقول الا ياااااااااااااااارب رجعلى بلدى وحررها من ايد أولادها الظالمين

بكتب وخلاص

مش عارف لا عارف او يمكن عارف وبستهبل برده كل الحتمالات ممكنة

....................

>>> نفسى انجح بقى واخلص دراسة ضيعت سنتين كفابة كده بس احساسى بيقولى انى هبقى حاجة كبيرة مش غرور والله بس احساس حاجات كتير أحلام كبيرة جدا تفوق الخيال واحاسيس متلخبطة حب راح وناس حواليا بيحبونى ودنيا عادية الجديد فيها بطىء والوحش سريع اما حد بيقولى انه بيتمنى كان يتولد فى بلد تانية أقوله لا بلدنا جينا فيها لانها محتاجة لينا نفسى تبقى تبقى احسن بلد فى الدنيا نفسى اعملها اللى مفيش حد عمله دايما بحلم حلم انى واقف على منصة وبتكلم وببدا كلامى انا محمد مسلم مصرى عربى والناس كلها بتصقف مش عارف ده تهييس ولا ايه ده بقى ....................

.....................................................................

>>> بفرح أوى لما أعرف ان عمرو خالد من أعظم مائة فى العالم بفرح أوى لما حد يقولى ان الدكتور غنيم ومركز الكلى بتاعه بيجيله طلبة من جميع انحاء العالم يتدربوا فيه ولا اما الاقى عمرو ذكى يلعب كويس فى أوروبا وعمرو دياب وانه وهوا فى مصر ولأانه بيتعب بجد يقدر يوصل الموسيقى بتاعته للعالم كله والناس تحترمنا بجد من كل الناس دول اما اعرف ان السينما وأفلامنا بدات تغزو اوروبا يااااااااااااااااااه مااحنا تمام اهه والله امال فى ايه بقى ..............حد يقولى

.....................................................................

>>> احنا جايين والله يمكن اكون متفائل شوية وايه يعنى حتى لو شويتين طالما انا عايش عايش يبقى اعيش متفائل احسن ماأعيش متشائم وأموت بالكبت ولا انتو مش معايا ولا نمتوا منى ولا ايه بس عارفين والله النجاح حلو أوى تخيل انت اما بتنجح بتبقى عامل ازاى امال لو بلدك كلها نجحت فى نهضتها انت هيبقى احساسك ايه ؟؟؟؟؟؟

.....................................................................

>>> انا والله مش مضايق ولا مبسوط ولا نفسى فى حاجة فى الوقت اللى بكتب فيه ده بس زى ماتقولوا كده احساس الاسترخاء ده استرخاء من العقل والحياة والقلب والدنيا وكل حاجة وعايز اتكلم وخلاص او اكتب وخلاص عايز اقول انى بحب كل الناس انى مش بكره حد عايز الخير للدنيا كلها بتمنى النجاح يسود العالم بتمنى الشر يموت بتمنى نعيش فى امان ونحقق أحلامنا وكمان نفرح فيها لأننا حتى نسينا اننا نفرح بانجازتنا وده طبعا من كتر الهموم بس عيشوا بالتفاؤل الحياة دى بتاعتنا والله واحنا الجيل الجاى ان شاء الله

.....................................................................

>>> عارف انى اتراخمت النهاردة وطولت بس أعمل ايه بقى مفيش غير هنا أطلع فيه الكبت بتاعى وبطلب منكم بس تقولوا يااااااااارب يحقق لكل واحد أحلامه وشكرا ونتقابل فى الشارع اللى جاى بعد الغدا علطول بقى عشان نشرب البيبسى مع بعض
تقبلوا خالص احترامى

MaNoO

الــحـب الـبـارد

اقتنعوا بعنوان الموضوع أولا ولنبدأ ..........

مش هتكلم عن الحب العاطفى فقط وده مش تقليل منى للحب العاطفى لا دا زى ماتقولوا بضع كل شىء مكانه لان مهما كان الحب العاطفى هو جزء من مملكة الحب.

بنحب أهالينا جدا بابا وماما واخواتى ولكن الحب فاتر بارد مفيش جديد فى العلاقة حد يقولى اجدد فى علاقتى مع أهلى ايوة طبعا اهم حاجة روح الحب تفضل ظاهرة انما بصراحة اللى شايفه دلوقتى اننا نسينا العلاقة دى أصلا وبقينا عايشين متعودين انا بنحبهم..

مش عيب انى أقول لصاحبى نا بحبك فى الله امال ليه العلاقات بين البشر عشان نتقرب من بعض أكتر وعشان نعرف ناس جديدة نحب حاجات فيهم علاقة الصداقة كمان محتاجة تجديد عشان نهرب من الحب البارد فيها ونقدر نحقق موازنة فى التعامل بين الاخذ والعطاء وبكده نحقق معادلة الكون

البرود وصل لعلاقتنا مع الناس اللى مش بنعرفهم كمان واحنا ماشين فى الشارع تبقى أول حاجة فى دماغنا اننا لا نسامح ولا نغفر مع ان المشكلة ممكن تنتهى بكلمة شكر وكلمة الشكر تطلع مع ابتسامة وبكده نحس بالخير فى الدنيا

المسكين اللى ماشى فى الشارع وانت بتساعده أكيد بتبقى مبسوط من جواك انكبتعمل حاجة زى دى بس ليه مش بتظهر انبساطك ده ليه واحنت ممكن بضحكة واحدة نحل مشاكلنا او على الأقل نخفف منها شوية

البرود فى الحب ده او تجاهل المشاعر هل هو كرامة ولا احساس ان مشاعرنا تجاه بعض دى جريمة ولا ايه بالضبط انا مش فاهم

بس صدقونى برود الحب ده ممكن يوصلنا لطرق كتير مسدودة مع العلم ان الحل ابسط مايكون وهو ان كل واحد يسيب الطريق مفتوح لمشاعره مه اهله ومع اصحابه ومع كل الناس عشان فعلا المشاعر دى ماتموتش جوانا

حسيت ان الموضوع مهم او لفت نظرى جدا فى الفترة الاخير وياريت اكون وصلت فكرتى فعلا

تحياتى.........................MaNoO

النهاردة من هنا ( زى الحكومة )

وبات الطفل ليستيقظ ههههههههه حلوة يستيقظ دى نسيتها من أيام المدرسة

المهم بات الطفل ده عشان يروح المدرسة بكره ويضايق من ده ويتخانق مع ده ويفرح مع دول وياكل الأيس كريم
ويرجع البيت يعمل الواجب وياخد الدش وينام بدرى علطول ويفضل مستنى يوم الخميس بقى عشان يخرج يلعب ويمرمط نفسه
فى اللعب

شكلكوا زهقتوا لا والله انا مش ممل بس اصبروا عليا شوية كده وهتشوفوا...

ماله بقى الطفل ده زيه زى بعض الوزراء وقلنا بعض عشان محدش يزعل يلا ان شاء الله ماحد حوش
الوزير من دول يروح الصبح هيموت ويخلص عشان يرجع اتعود البوسطة تدخله ههههههههههههههه حاجة تقليدية يعنى
والمشكلة ان ممكن يكون مش فاهم حاجة زى الطفل والله اللى بيطلع عينه فى المدرسة
بس الفرق بقى ان الوزير مش بيطلع عينه لانها مش فارقة اه مش فارقة مش مصدقين هو حب الجو واليلة والكرسى والدنيا هيفكر ليه بقى فى نهضة اوعوا تقولوا ماالكل كده ازعل منكم

تعرفوا ( مهاتير محمد) بتاع ماليزيا بجد مش عارفينه لا ازعل منكم طيب دوروا عليه واقرأو عنه وتعالوا

وهقولكم بس انه غير ماليزيا لوحده من بلد بدائية الى بلد صاحبة ثورة تكنولوجية وفى كل المجالات

رايح جاى ومشى وواقف وصاحى ونايم وطفاية كده عشان متزهقوش بجد واستنونى والله جوايا كتير