أنا مصرى
أعتز انى من جيل البنطلون الساقط وأفتخر انى من جيل الفيس بوك
جيل به بنات أرجل من رجاله كتيييييييير أوى وفيه ولاد بيحبوا بلدهم بجد
انا من القله المندسه يا ايها الحزب الواطى الديمقراطى
أنا من العملاء كما تدعون
أنا شاب مصرى من شباب 25 ابريل ومن شباب عاشق للحريه
شباب فعلوا ما لم يستطيع احد ان يفعله فى 30 عام
نزلنا الشوارع ومات مننا كتيييير وبرده عند هدفنا اللى خلاص باى طريقه من الطرق احنا وصلنا ليه
استفادات كتير من ثوره شباب واصبحت ثوره شعب منها عوده الثقه والروح وعوده قاعده ان الشعب مصدر السلطات
لى عوده ان شاء الله وحكاياتى مع شارع مصر وهو يثور انا خطفت بس شويه وقت مع انى مكنش ليا مزاج اكتب حاجه
بس قلت اهه لازم اكون موجود عما الاحوال تستقر ونرجع تانى نحكى بقى
اه على فكره كل الناس هنا وحشااااااانى جدا
الصوره اللى فوق من ميدان التحرير بس بتاع المنصوره وهى منطقه المحافظه
هناك 14 تعليقًا:
الأين العزيز مانو
شتان بين البوست السابق وهذا البوست
كنت آرى فيك الشاب الدماغ الفرفوش زى محمد ابني وكنت ومازلت احب فيك تفائلك وحسك المرهف ..
هذا البوست يعلن عن مانو جديد زاد رصيده عندى من الأحترام والتقدير ..
وياعم لو اللي حصل بسبب سقوط البنطلون للخسر فالتحيه الخسر بس ياريت مايسقطش البنطلون اكتر من كده
وبعدين هو كل حاجه مش عايزنها تسقطوها..
بجد يامانو انا بل كلنا فخوريين بكم
لكن لي تحفظ علي عينادبعضكم في تنحي الريس
وخايفة جدا ان ده يكون سبب لإنقسامكم
انا مع التغير والإنتقال السلمي للسلطه من أجل الحفاظ علي مصر إقتصاديا وسياسيا ومستائه جدا من بعض الشباب الذى يفتقد لطريقة الحوار المهذب انا بتكلم عن رأى دون تعميم ..
انتم تفتقدون لممثلين لكم يتحدثون بإسمكم إعلاميا وفي القنوات الشرعيه لأن فقدان من يمثلكم جعل البعض يقلل من قدراتكم وأخشي من جذب الأحزاب لكم
فتتفرق جهودكم ياريت يكون لكم حزب
أتمني أن يكلل ثورتكم بالنجاح وأن تحكموا صوت العقل من أجل مصر ..
وح حكي لقمحه عن عمو مانو الجميل وحاسة الشم العاليه اللي وصلته لميدان التحرير حيث نسمة الحريه ..
تعازي للشهداء وأسرهم والف تعظيم سلام لكم
ماما وفاء
ان شالله معادنا الجمعه
فى تحرير المنصوره
مدام وفاء الغاليه...
الف شكر على الكلام الحلو اولا اللى يستحقه الناس اللى ماتوا فعلا ربنا يرحمهم ويدخلهم فسيح جناته ويصبر اهلهم
بالنسبه لتنحى الرئيس اقولك ليه بكل بساطه لان الرئيس طلع قال احنا عرفنا غلطنا وكل حاجه وتانى يوم بعتوا ناس تضرب المتظاهرين السلميين فى الميدان وبعتوا ناس تشتبك مع المتظاهرين السلميين فى المنصوره يبقىف ين الصدق
الريس كان موجود لم مات 1400 فى عباره ومات ناس فى طابور عيس بتدور على اكلها فين الصدق بقى الريس كان موجود لما اتقال انا لشباب بيهبل الشباب دا ملوش رايى ومعرفش ان اكتر اس اتظلمت فى عهده الشباب اللى مش لاقى مستقبل ولا شايفه
النظام دلوقتى بيحاول يستعيد اى شرعيه ليه واحنا مش عايزينه ياخد الشرعيه دى لاننا فعلا مش مامنين اى حد من النظام على البلد بتاعتنا حتى لو كان 8 شهور بس
احنا افتقدنا حد يتكلم باسمنا لانها ثوره شعبيه فعلا واى حاجه لازم يكون ليها اخطاء مع انى مش شايف ليها اى دور ان حد يتكلم باسمنا طالما مطالبنا واضحه وكلنا متفقين عليها وهما كلهم عارفينها الشباب فاهم اوى اوى وفاهم يعنى ايه حزب عايز ياخده او شخص جاى من برا عايز يسرق مجهوده ومن هنا بقولهم كلهم انسوا لان اللى فى ميدان التحرير فى القاهره واللى عند المحافظه فى المنصوره واللى فى السويس واللى فى عند مسجد القائد ابراهيم فىا لاسماعيليه شباااااااب وااااع جدا جدا
الف شكر يا استاذة وادعيلى عشان ناوى انطلق من المنصوره للتحرير
نودى
......
فاكرك من اول الموضوع معرفش انتى بتنزلى ولا لا انا كل يوم هناك لانى مرتبط بالموضوع بطرق كتير
ان شاء الله اكون موجود الجمعه لو فى العمر حياه او ممكن اروح التحرير ربنا يسهل
انا ماعرف ليش كل هالشي يصير
بس ليش ما صار من زمااان ليش احين تذكرتوا انه الحكومه مب اوكي
ليش احين تذكرتوا انه لازم حسني مبارك مايحكم مصر ؟؟
هالأسئله كانت وايد تحيرني
ليش ما صار قبل ليش احين بس ؟؟
بس احس كل شي بهداااوه ينحل
احسن من الضرابه و القتل
انا ماعرف وايد عن الموضوع بس الشي يقهر
انه هالشي يصير في دوله عربيه بين قوسين اسلااميه !!!!
طب اتصل بيهم ازاى؟؟؟
طب اتصل بيهم ازاى؟؟؟
دلوعه اولا منوره المدونه وشكرا على التواصل
......
ليه محصلش من زمان لان الاجيال اللى فاتت بصراحه مع احترامى ليها كانوا فاكرين ان الاصلاح هو الحل مع ان بلد زى مصر فى عرقاتها وحضارتها وتاريخها خلال العشر سنين اللى فاتو مصر بقت بلد لا تصلح بسياسه متخلف من ظلم وقهر وتدنى الاحوال والصحه وكل شىء مع العلم ان مصر فيها الكوادر القادره انها تعمل كل دا
ليه دلوقتى بنقول ان مبارك يمشى لانه الاساس فلو كان على علم باللى بيحصل ودا اكيد دى كارثه ولو مكنش على علم دى كارثه اكبر
المفروض متقهريش يادلوعه والله المفروض تفتخرى ان الشعوي العربيه قادره انها تطالب فى حقوقها لان مصر مع احترامى لكل الدول العربيه هيا دوله محوريه التغيير فيها هيمس كل الدول
اللى حصل ان شباب طلع يتظاهر ويطالب بحاجات كلها من حقه اما البلطجه والموت دى كانت من الحزب الحاكم والداخليه اللى كانت بتتعامل مع الناس على انهم عبيد هما السبب فى الشهداء مهما حصل لان مفيش بلد محترمه فى الدنيا بتفتح الرصاص الحى على المتظاهرين وسلميا كمان والله لو تشوفى منظر الشباب المعتصمين فى التحرير حاجه قمه فى الاحترام شعر وادب ورسم ومتمسكين بحقوقهم انهم يعيشوا فى وطن حر لا يسيطر عليه الفساد ورجال الاعمال
وليه الوقت دا بالذات هقولك نرجع للتاريخ واساليب حكم الدول ان اى شعب فى العالم ليه طاقه تحمل خاصه جيل الشباب اللى موجود دلوقتى جيل الشباب هو اللى طالب بالتغييير الكامل لانه من حقنا نعيش فى وطن يمنح اولاده ما يستحقوه اللى بيحصل شىء مباح فى اى دوله محترمه فى العالم تظاهرواعتصام فى اطار سلمى
اما الحكومه تحوله لشهداء وبلطجيه يسرقوا عشان يخوفو الشعب تفتكرى فى الوقت دا مين الصح ومين الغلط
معرفش وصلتلك الفكره ولا لا بس ان شاء الله هنزل شرح كامل لكل حاجه حصلت موثقه
بشكرك مره تانيه على الاهتمام
انا معاك من القلة المندسة
بس هي الحمد لله معدتش قلة خالص.. بقيت كثرة الحمد لله
ربنا يستر والايام دي تعدي على خير
هو انت بتنزل ميدان تحرير المنصورة اللي هو المحافظة؟؟؟
نودى غرفه العمليات بتاع 6 ابريل
01504665930
01515767823
وفى رقم فيهم هتتفاجئ باللى هيرد
واى حركه
مجرد حلم
.......
ان شاء الله تعدى على خير ايوا بنزل ميدان التحرير اللى هوا المحافظه ايوا بتنزلى ولا ايه
أنا كمان كنت فى ميدان التحرير أو المحافظة
أول مرة أعملها فى حياتى وأنزل مظاهرة.. اتخصمت مع ماما بعدها يومين بس مش مشكلة حققت اللى كان نفسى فيه
مبروك رجوع مصر
احساس تانى خالص انا بقى كنت بقول لماما انى بنزل اقف من بعيد كدا وربنا وحده عارف اللى كنا بنعمله
الحريه تستحق الخروج عشانها او الموت فى سبيلها
إرسال تعليق