فى أمسية للمحاضر العالمى وخبير التنمية البشرية الدكتور ابراهيم الفقى أصل عقبال عندكم كنا منظمينله أمسية من يومين هنا فى المنصورة كان عنوانها المفاتيح العشرة للنجاح بس لفت نظرى وهوا بيتكلم عن التسامح وان القلب اللى مش بيسامح هو أسوأ أنواع القلوب تقريبا كان اللفظ كدا على ما أذكر............
الفكرة ان الانسان اللى بيسامح بيمد العالم بطاقة حب وتسامح ومن قوانين العقل الباطن قانون الانعكاس ان الحاجة اللى بتطلعها للعالم الخارجى بترجعلك بنفس قيمتها طلعت حب هيرجع حب طلعت كره هيرجع كره وكان فى كلمة لغاندى ان( التسامح سمة الأقوياء) ليه بقى لأن الانسان اللى بيسامح بيبعد نفسه عن التفكير السلبى فى الاشخاص وكمان ميشغلش باله لانه اكبر من كدا بيسامح وخلاص وبكدا الموضوع ينتهى........................
ايه الكلام الكبير اللى انا بقوله دا شكل الواد طلع مثقف ولا ايه المهم ندخل فى الموضوع الرئيسى وطبعا مينفعش نتكلم عن حاجة غيره:::
الأول نتفق اننا هنسامح ونحب ......
هندعى ونتوسل لله ومننساش ندعى لكل اللى بنحبهم
نروح نصالح اى حد مخاصمينه
خيركم من يبدأ بالسلام
هنبتسم فى وجه الناس كلها
ههذر مع الاطفال واساعدهم
هنحاول نروح دار ايتام او مكفوفين
نحاول نساهم ولو بقدر بسيط فى شنط رمضان
نحاول نعمل افطار الطريق
هنطلع للناس حب وخير عشان يرجعلنا تانى
نتعامل بمبادىء الإسلام مش هنجيب حاجة من برا
طبعا كلنا هنعمل كدا عشان رمضان بس ليه ياجماعة منخليش السنة كلها رمضان هوا شهر نخليه 12 شهر وتبقى عدت السنة
نتعامل بنفس المنطق مع كل اللى حوالينا الناس فى الشارع فى المواصلات البياع فى المحل الدكتور المهندس كلنا نبدا حياتنا بابتسامة
نبدأ وقتنا مع اى حد بابتسامة نعيش بالتفكير الايجابى دا بيضايقنى يبقى اكيد فى حاجة مضايقاه لان الحياة مشاكل وكل واحد فيه اللى مكفيه مش أول اما واحد يعلى ا لصوته التانى يبقى منتظر انه يمسك فى خناقه...........
هنتطبع بطباع المسلم فى رمضان ونقضى كل فروضنا وزيادة كمان احنا فى اجازة ومفيش حد وراه حاجة وان شاء الله لينا وقفة بعد رمضان نعرف احنا كلنا وصلنا لايه
انا حبيت اقولكم كل سنة وانتو طيبين بس بطريقة مختلفة شوية يارب فعلا اكون قدرت افيد حد ويااااااااارب ايام خير عليكو جميعا
وقللوا فى الحلويات بلاش ناكل علطول كدا الاكل مش هيطير الخير كدا كدا بيبقى كتير كتروا من الفاكهة وبلاش ناكل ادام التليفزيون
واشغلوا النهار باى حاجة مفيدة ويارب يوفقنا جميعا
اللهم تقبل صيامنا وصلاتنا وركوعنا وسجودنا واجعل القران شفاء لصدورنا يارب أمين............
تقبلوا تحيات اخوكم المشاغب :::: ماااااااااااااااانووووووووو
ومتنسوش تدعولى بالله عليكو...............
هناك 25 تعليقًا:
اكيد طبعا معاكى حق
فى كل الكلام ده
كل سنه وانت طيبه
ويعود علينا كلنا هذه الايام بخير
وحب وتسامح
كل سنة وانت طيب ورمضان كريم
التسامح سمة لازم الناس كلها تتحلى بيها
فى مثل قريته قبل كده بيقول ان اللى مش هيقدر يسامح لازم يحفر قبرين قبر للانسان اللى مش هيقدر يسامحه وقبر ليه هو لان الحقد والكراهية والبغض بيدمر حياته هو اول واحد قبل غيره
التسامح فعلا حاجة رائعة
كل سنة وانت طيب
كل سنه وانت طيب
ويارب يكو كل لحظه فى رمضان فى ميزان حسناتك
كل سنة وانت طيب
يامانووو رمضان كريم
والله سبحانه وتعالى
اعز واعلى واكرم
عايزة اضيف كمان
يامانوو ان من قبل
الدكتور الفقى ما يقول
ربنا سبحانه وتعالى قال
( فَمَنْ يَعْمَلْ مِثْقَالَ ذَرَّةٍ
خَيْرًا يَرَهُ وَمَنْ يَعْمَلْ
مِثْقَالَ ذَرَّةٍ شَرًّا يَرَهُ)
صدق الله العظيم .يعنى كل
شىء يعود لفاعله.
الفراشة الصغيرة
,,,,,,,,,,,,,
نورتى المدونة ويارب يعود علينا الايام بخير بس هطلب منك حاجة صغنونة اوى تغيرى صيغة المؤنث انا ولد
تانتاتاتاتاتات اتمنى التواصل الدائم
أيوشة
,,,,
ايوشة هانم عندنا يامرحبا يامرحبا فعلا انا نسيت اذكر المثل دا بس عادى منك أحلى لان عدما لتسامح بيعمل حجاب او فاصل بين قلب الانسان واى حاجة حلوة فى الدنيا وكمان بيولد حاجات اسوأ كل سنى وانتى طيبة ويارب ايامك كلها طاعة
nody
,,,,
بنت بلدى كل سنة وانتى طيبة ويارب يتقبل منا اعمالنا وكل سنة وكل اهل المنصورة طيبين بيها بمراكزها بسلاطتها بمشايتها بجلاءها بكل حاجة فيها
norahaty
,,,,,,,,,
فعلا يادكتورة اساسيات الحياة جت فى قرأنا والاحاديث قبل كل شىء ويارب يقدرنا نعمل الخير جميعاعشان فعلا نحس بالخير بينا وبين بعض كل سنة وانتى طيبة ويارب يجمعنا على الخير دايما
ان شاء الله يبقى رمضان ده بدايه جديده لأخلاقيات جميله ،جزاك الله كل خير و كل سنه وانت طيب، رمضان كريم
سلام اول مره ادخل علي المونه وحبيت اعلق حلو الموضوع صعب يتنفذ بالسرعه دي عشان كه بكون كويس لو الشخص اتخذ رمضان حافز عشان يبدا المهم ربنا يوفقنا واياكم لصيامه وقيامه
تقبل مروري وياريت تدي بصه علي مدونتي ده انا سنه اولي تدوين
صباح الخير
علا
التســامح من أجمـــل
القيم اللي بتبقي جوانا
بجـد جــزاك الله كـل خــير
علي الكـلام الجمـيل ده،
بجـد أسلـوبك أكـتر من رائع
كـل سنه وأنت طيب وبخير دايما
أعـانك الله ووفقـك لمـا فيه الخير
وإن شاء الله يبقي التواصل
تحياتي لك
منى
كل سنة وانت طيبة ياقمر
مدونتك جميلة
ونورتى المدونة بجد
ويارب متكنش الاخيرة
دمتى
sab7al5air
>>>>>>>>>>>
اولا برحب بيكى فى مدونتى واتمنى التواصل الدائم وعلى فكرة اسم المدونة بيدى احساس بالتفاؤل وانا بعز المتفائلين جداااااا عندك حق فى اننا نبدأ رمضان فعلا ونكمل بعد كدا ويارب يوفقنا ونبقى متسامحين مع نفسنا مع كل الناس نورتينى
شموسة
....
تسلمى على الكلام الجميل دا واهلا بيكى فى مدونتى المتواضعة وياريتنا كلنا نقدر قيمة التسامح زى ماهو مفروض والله الحياة كانت هتختلف كتير اوىىىى
دموع القمر
...........
اولا اهلا بيكى فى المدونة وان شاء الله نتواصل دائما
هههههههههههه ضحكتينى بجد لان دى تانى مرة تحصل فى نفس البوست
انا مش منى انا ماااااانوووو ولد يعنى
عموما بما اننا اول تعارف هعديهاوتحياتى ليكى
السلام عليكم
كل سنة وحضرتك طيب
رمضان كريم
بووست رائع جداا
بجد التسامح ده ميتوصفش لأنه جميل جدا
مدونة جميلة ومفيدة
أتمنى لك التقدم في التدوين
دمت بكل سعادة
تحياااتي
dark angel
التسامح والعفو والمغفره دايما صفات بيتحلى بيها الانسان القوى صاحب النفس السليمه والطيبه
وربنا يجعلنا من البشر الجميله اصحاب الصفات الراقيه دى
رمضان كريم عليك وعلى كل من تحب يا مانو
اناااااااا جييييييييت اقووووووووووووولك
واحشنننننننننننننييييييييييييييييي
وكل سنه وانت طيب
انا رجعت يامانوووو
رمضان كريم وانا عارفه انها متأخره بس اول ما عرفت ادخل والله
ثلام بأه
بحب قوي دكتور ابراهيم الفقي
(:
بيعجبني كلامه
وبجد التسامح فعلا مريح قوي للقلوب
عشان كده ربنا قال في وصف أهل الجنة
ونزعنا مافي قلوبهم من غلل اخوانا على سرر متقابلين
(:
كأن سر السعادة الروحية في التصافي والتسامح
بجد ربنا يقدرنا ...
تحيــــاتي
كل سنة وأنت طيب
يامانوووووووووو
العيد بكرة بأذن
الله :عيد سعيد وعمر
مديد وكل سنة وانت طيب.
ver sad
نورتى المدونة وكل سنة وحضرتك طيبة ويارب فعلا اكون افدت بالمدونة ولو حاجة بسيطة اتمنى التواصل الدائم تحياتى ...........
mahasen saber
,,,,,,,,,,,,,,
يارب يجعلنا من اصحاب النفوس القوية لانها فعلا سبب تقدم الامم وهيا الصراحة مع النفس تحياتى وكل سنة وانتى طيبة يارب
MǿиY El-Shreef
,,,,,,,,,,,,,
لولا ان احنا فى رمضان انا كنت رديت رد تانى بس يلا المسامح كريم كل سنة وانتى طيبة وبلاش التأخير دا تانى التدوين ملوش طعم من غيرك يامونى هاهاهاها اوعى تصدقى انا ببكش
ميرام
....
الدكتور ابراهيم شخص يستحق اننا نديله اكتر من كدا لانه فعلا من الناس النادرة الوجود ويارب يجعلنا من اهل الجنة المتسامحين
norahaty
وانتى طيبة يادكتورة ويارب عيد سعيد دايما ومتاكليش لحوم كتير بقى وقللى منا لترمس والبسكويت عشان الرشاقة هههههههه
إرسال تعليق