منقدرش ننكر ان ثقافة ا لشعب اتغيرت مع انى مش فاهم هيا كانت ايه وبقت ايه بس هيا اتغيرت وخلاصبس لو نفتح صفحة الحوادث بعيد الشر يعنى مع انى مش بقراها غير كل فترة تلاقى الحوادث بقت غريبة أوى قتل ب50 طعنة اغتصاب اب لابنتهاللى قطعت جوزها وحطيته فى اكياسمعدش فى سرقة من غير قتل حتى القتل مبقاش زى زمان>>
وهنا هقول كلمة للاستاذ ابراهيم عيسى (أين زمن القتل الرحيم)
طيب بعيدا عن الحوادث نروح لثقافة الزبالة يااااااااه والبلد بتاعتنا بسم الله ماشاء الله انا والله ما أعرف ايه السر فى اننا نرمى الزبالة جنب الصندوق على الأرض طيب مانرميها فى الصندوق ولا مثلا نرميها على الأرض فى مكان تانى حتى يبقى لينا عذر ان مفيش صندوق وهنا
هقول (البلد بلدنا ياناس مش بلد الحكومة يعنى احنا من واجبنا برضه نخاف على نظافتها)
يخربيت اى موبايل بيغنى ويرقص انا كرهت الموبايلات والله العظيم تركب المواصلات تلاقى كل واحد مشغل موبايل شكلواغنية شكل ربنا يرزقهم كلهم ويجيبوا احسن الموبايلات بس منأذيش الناس بقى ياعم هتوجع دماغنا ليه هيا ناقصة لخبطةمعاك سماعات اسمع لوحدك مفيش معاك يبقى متوجعش دماغنا بقى ولا احنا غاويين نقرف بعض وهنا
هقول (الموبايل جاى عشان الاوقات العصيبة مش الاوقات العصبية )
الخلل وصل لثقافة الأدباء والكتاب اللى المفروض انهم بيكونوا رموز الفكر طبعا مش هتكلم عن حاجات كتير بتتكتب وروايات تافهةوسينما مقاولات بدافع اننا فى عصر الحرية ياعم بلا حرية بلا بطاطس ابوس ايديكم وبلاش جو التخدير دااحنا عايزين نفيد البلد يعنى محدش يقولى دا حصل كذا ويسيبنى اقرا المشكلة ويمشى ماتتكلم ياعم تقول رأيك تقدم حل خلونا نساعد بعض فى أننا نحل بقى مش نفضل طول عمرنا نفرح ونشمت فى بعض ونموت فى المشاكل استوقفنى عنوان كتاب (مصر ليست أمى ) للكاتب أسامة غريب قرات الكتاب وعجبنى الأسلوب جدا وعجبنى بعض المواضيع كقارىء ومعجبنيش بعض الحاجات الاخر كمصرى زى عنوان الكتاب اللى بعتبره انه كان مجرد دعايا للكتاب مش أكتر لأن فى حاجة دايما بقولها فى فرق بين مصر بتاريخها وعظمتها ومكانتها وبين حكومة مصر اللى عبارة عن شوية ناس جايين المفروض انهم بينظموا حقوقنا فى البلد يعنى بيشتغلوا عندنا يعنى غلط الأشخاص دول وفسادهم وظلمهم مش بسبب مصر دا بسبب ان اختيارهم غلط اصلا من الاول
انا مش عارف اتكلمت فى المواضيع دى ليه بس بجد مستغرب الغلط عندنا زاد ليه وليه بقينا بنفرح فى بعض وبنشمت
الخطر جاى من جوانب كتير عشوائيات وثأر فى الصعيد وتكتل عائلات فى كل مكان وخناقاتنا بقت بالأسلحة نسينا خناقات
الكلام اللى كانت بتبقى ساعة ونتصالح وخلاص الغلط فين ومن مين ؟؟؟؟؟؟؟؟؟؟؟؟؟؟؟؟؟؟؟
اه صحيح كل اللى قلته فى البوست دا رأيى الشخصى اللى عايز يناقش يناقش الاختلاف دايما مفيد انما اللى عايز (يجادل) يبقى ملوش مكان فى المدونة دى يروح يشوفله حد يتخانق معاه مش طالبة صداع
ومتنسوش ان الامل موجود موجود ومفيش مستحيل نحل كل مشاكلنا بس احنا يكون عندنا النية والعزيمة بس
فاضلى مادتين ادعولى بقى عشان اروح لماريا بعد اما اخلص
هناك 17 تعليقًا:
كل الكلام اللي انت قلته يتلخص في كلمتين قلة الذوق و انعدام الاحساس بالادمية
لو الواحد حاس انه انسان عنده كرامة و فاهم معنى الحياة فاهم كيف يعني هو انسان فضله الله على خلقه أكيد فيه أشياء تعافها نفسه
وراح يكون مرتب و نظيف و ذواق
وراقي سلوكا و هيئة
أما دام هو كل حياته تدور حول البحث عن لقمة العيش و ملخص الحياة هنا فأكيد سينجرف معاهاو من سيء لأسوء والقادم أحلى !!!
هى فعلا ثقافه الشعب اتغيرت بس هى فين الثقافه اصلا، اللهم الا قله قليله تحاول ان تفهم شىء،اللى استوقفنى و انا معاك فيه الجرائم اللى بقت غريبه و شنيعه ، هنا ام بتعذب ابنتها مع زوجها حتى الموت ، وهنا ابن اخت يقتل اولاد خاله عشان يحرق دمه وحاجات كده مالهاش سبب، بجد خليتنى احس اننا بقينا فى زمن الغابه و اللى يجى فى باله حاجه يعملها،مش عارفه ده سببه ايه الحقيقه بس اكيد كذا حاجه مكلكعه مع بعض،اما بقى الزباله فحدث ولا حرج لأننا لو مأهملناش منبقاش احنا و نحس اننا فى حاجه متغيره ولازملها علاج،فى حاله من الامبالاه و التبلد منتشره فى الجو
تقبل تحياتى
كل ثقافات المجتمع المصرى عايزة تتغير سلوكياته كلها غلط فى غلط ولازم نصلح نفسنا قبل ما نطلب اصلاح الحكومة والبلد
jannah
<<<<<<<
قلة الذو وانعدام الاحساس دول اسبابهم ايه احنا وصلنا للمرحلة دى ليه مفيش حد بيوجه صح من اول الأسرة والتعليم لغاية الاصدقاء والتعليمات فى اى حاجة فى الدنيافهم الانسان لذاته لازم يكون من وهوا طفل يتعود انه يكرم نفسه ويعتز بيها تحياتى ليكى
بسنت
<<<<
ماهو اللى بقوله انا مش عارف كنا ازاى وبقينا ازاى الامان مبقاش موجود داخل البيوت امال هندور عليه فين بس
واللى بييجى على باله حاجة بيعملها لاننا فقدنا معنى كلمةا لرقيب نسينا ان ربنا رقيب علينا قبل ماتبقى الحكومة رقيبة التغيير بادى ءمن عندنا والله وفى حاجات كتير تدى احساس بالتفاؤل عشان كدا هفضل اقول الجاى أحسن ان شاء الله
نورتينى كالعادة
ايوشة
<<<<<
انا معاكى ياأيوش اننا لازم نصلح نفسنا لكن مش قبل الحكومة الحكومة دى مجرد شوية ناس بينظموا بيشتغلوا عندنا يبقى لازما لحاجتين يمشوا مع بعض
احنا نحاول والحكومة تساعد الشباب يبدأ والحكومة توفر انما كل واحد لوحده يبقى مش هنعمل حاجة ولا ينفع حد يسبق والتانى يتبعه
نورتى ياأيوشة والمرة دى مش رياضية خلاص واى خدعة
مش معاك يا مانو اٍن مش كل واحد يبدلأ بنفسه ..
لأ .. المفروض أن كل واحد يبدأ بنفسه و بمن يعول ..
المفروض أن الرغبه فى التغيير تبدأ من الفرد نفسه و لو أنصلحت نفوس الناس حينصاح المجتمع ككل و هنا حيبقى القائمين على المجتمع مضطرين يبقوا ولاد حلال لأنهم حيحكموا بلد بها ناس واعيه و مصحصحه و نضيفه ..
لكن صدقنى مقولة أن الشعوب تستحق من يحكمها دى مقوله صحيحه تماما ..
لو صلح الشعب صلح الحاكم .. و الشعب لا يصلح جماعة كده مره واحده بقدرة القادر و لكن يصلح فردا فردا و نفسا نفسا و الله لا يغير ما بقوم حتى يغيروا ما بأنفسهم ..
أرجو أن تكون فكرتى واضحه ..
تقبل تحياتى ..
بلدنا اتغيرت وناسها اتغيرواللاسف للاسوء فى حاجات كتير!الذنب ذنب
مين؟مين المسئول؟مش عارفة الحقيقة
ولو استمر الحال على كده حنوصل لايه؟فى اعتقادى ان أن بكرة مش
احلى ابداً ابداً.هذا رايىّ
تصور مانوووووو
انك فى اوضة الكشف
وفى صالة الانتظار قاعد
يمكن اكتر من 200شخص او أكثر
نصفهم ممكن معاهم موبايلات كل واحد
عامل أغنية او رنة مختلفة وقاعد يسمع
ويستمزج ياســـــــلام ولا كأنه قاعد على شط النيل :)
هذا ما اعيشه
يوميــــاً:(
انما ايه الكلام الجامد ده:)
استاذ عمرو
,,,,,,,,,,
الفكرة واضحة بس انا أقصد ان مرحلة الترتيب احيانا بتوصلنا لطريق مسدود انا بقول ان الطريقين يمشوا مع بعض احنا نصلح فى نفسنا والحكومة تساعد والطريقين يبقوا متوازيين خاصة فى الزمن بتاعنا دا ان الشعب مش فاهم انه غلط وانه المفروض يتغير لازم يكون فى اللى يوجهه صح
تحياتى استاذ عمرو ونورتنى
norahaty
,,,,,,,,,,
بصى ذنب مين او مين المسئول دول اس كتير اوى وحاجات كتير مع بعضها من اسبابها الناس ومن اسبابها طريقة الحكم كمان
بس بلاش نقول ان بكرا مش أحلى لانا أولا منعرفش الغيب ثانيا المدونة دى متفائلة زى صاحبها هههههههههه
وقرار عام ان كل اللى يدخل المدونة يبقى متفائل لبكرا
بتعيشى دا يوميا دانا بقعد نص ساعة فى المواصلات بتجنن من انواع واشكال الاغانى اللى بتشتغل ولا الموبايلات العجيبة والله انا نفسى ننزل قرار نعاقب كل اللى يشغل موبايله لانه بيزعج الناس
بس ايه رأيك اخدتى بالك اما بركز بطلع كلام حلو ازاى وكمان تأثير الامتحانات برده
انت لسه عايز تروح لماريا ... ماعلينا ابقى خد اخوك الصغير حلاوة معاك بقى....
هو كلامك مظبوط بالنسبة لثقافة الشعب وانا شايفة يعنى ان اصلا مينفعش نطلق عليها ثقافة ممكن نقول هبل الشعب .. الشعب خلاص بقى مشتت لا حد عارف هو ع ايز ايه ولا حد عارف هو رايح فين ولا حد بقى ليه رأي من دماغه كل واحد ماشي ورا حاجة وربنا يستر بقولك ايه انا عندى معيز عايزة اربيهم بلاش كلام في السياسة
عم فرحات اللى منورنا
هبقى اشوف حلاوة بشوية بسبوسة من ماريا مع انى فعلا الششعب تائه وضايع بس بلاش النظرة اللى كلها ضياع دى لان الموضوع مجرد ترتيب ومش عايز اكتر من كدا نهضة صح وفى وقت صح وروحى يلا ربى معيزك بقى
ايه اخبــــــــارك
خلصت المادتين ولا لسه ؟
مانووووووا
ان علقت على موضوع
(الحسين ..مكان السحر)
اوعى ماتردش علىّ وتعمل
نفسك مش واخد بالك :ازعل!
norahaty
,,,,,,,
يادكتور والله مااقدر على الكلام دا 3 تعليقات فى يوم بعدين اطمنى انا رديت عليكى فى موضوع الحسين ونصحتك تروحى تتعالجى واى خدعة
انا عندى اخر مادة بكرا ان شاء الله ومن بعدها حريييييييييييية
إرسال تعليق