أولا أرحب بالكابتن العظيم فاروق جعفر الزملكاوى أرحب بيه فى عالم تحدى الاهلىولا انسى تصريحك قبل المباراة انك ستهدى الدورى للإسماعيلى بصراحة عشان احنا جمهور اهلاوى ولا هزنا الكلام دا
بس بينى وبينك انا قلت انت هتكسر الدنيا
واقف على الخط ياعم لفاروق ولا كانك انت اللى هتاخد الدورى ياعم روح ياأبو مركز سادس ولا سابع باين ولا انت مش على
الخريطة اصلا ايه ياعم فاورق مش قبل ماتتحدى حد تقدر مدى قوته الأول وموصى اللعيبة تضيع الوقت
والعيال تمشى براحتها كانهم هيخرجوا من الماتش يرفعوا الكاس العظيمة للمركز اللى هما فيه
واوعى فاروق جعفر جاب جون ياجماعة وقاعد على الدكة بيقول هحرق الاهلى هموته انا فايز واحد صفر
واذ ييجى الواد أبو تريكة الجماد اوى دا اللى مطلع عينكم من اول الماتش وهوباااااااااااااااااا
قال عم فاروق كويس خلاص هنتعادل ايييييييييييييييييييييييييه
انت بتلاعب اسمنت السويس ياعم مع احترامى لأسمنت السويس طبعا
الواد فتحى بقى دا مشكلة كارثة ياناس والاول والتانى وهوباااااااااا وفى المقص وارقص يافاروق ارقص
وقايم تعترض على ايه قايم تعترض على ايه ياخيبتها مالملعب ادامك والاهلى اللى انت بتكرهه جنبك
اه صحيح نسيت الواد الجماد أوى اللى بتتريقوا على شعره وهوا بيعمل الكورة هوبااا ساحرة ياناس ويحط التالت محمد طلعت
ولا عزاااااااااااااااااااااااااء للمفوتين (اللى بيلبسوا فانلة بيضا وفيها خطين حمر )
وانتظر ماتش الاسماعيلى اللى بتوقع انه هيكون مستوى لعب رائع وان شاء الله الدورى للأهلى
فاروق حعفر.................أهلا بك فى مركز تحديات الاهلى دا أول درس ومجانا اهه لو عايز كمان عايزك تعلى صوتك وتغلط فى الأهلى أكتر
ملحوظة.....انا اتحدث عن مباراة الأهلى وطلائع الجيش التى انتهت بفوز الأهلى المتوقع 3-1 وفاروق جعفر هوا مدرب طلائع الجيش
هناك 13 تعليقًا:
كورة مليش فيها بصراحة خالص ولا بعرف حتى اسماء اللى بيلعبوا :)
ههههههههههههههههههههه
ومع الكابتن مانو
والتعليقات الاخيره علي المباراه
تصفيق حاااااااااااد
ونعم الكلام يا كابتن والله
بص شوف الاهلي بيعمل ايه
ايوشة
لا لا كدا ازعل منك
متحبيش الكورة براحتك بس قولى انك بتحبى الاهلى عشان يبقى انتى كدا أهلاوية خلاص ومش شرط هتعرفى مع الوقت اسماء اللى بيلعبوا
donya
ومعانا دنيا من المقصورة الرئيسية
يارب نكون اسعدناكم بالتعليق المتميز وبننتظر ارائكم على 09000 اى كلام
وبصى شوف الاهلى كايدهم
نورتينى يأفندم
ايه دا؟ايه دا؟
هو احنا فزنا بتلاتة؟
لأ لأ قول حاجة غير كده:)
دانا كنت فاكرة لحد دلوقتى
بس اننا فزنا بواحد صفر
اصل ماتفرجتش على الماتش
وكنت متابعة من تعليقات
واصوات الجيران اللى على
الناصية يادوبك يامانو
صوتوووووووووووووووووا
مرة واحدة :)قلت الحمد
لله الاهلى جاب جون اخيرا
بس بقى إن كان على
ماتش الأسماعيلى
فربنا يستر
لازمن
ولابدن
تعترف اننا
فى خطر وربنا يستر.
بس معلش يامانو
ولو تسمح يعنى
هو انت ماعندكش استمحان ياسى الاستاذ الطالب انت ولا ايه؟
انت خليتنى رحت اقرأ
ملف التعريف بتاعك
لقيتك كاتب
طالب
طيب روح ذاكر
رررررررررررروح ذاكر:)
norahaty
<<<<<<<<<
الأول تقلبى الدنيا على الماتش تطلعى فوق تنزلى تحت لازمن ولا بدن على رايك تشوفى الماتش عشان تتفرجى على العيال الجامدة اوى وهما بيحرقوا اللى بيتحدوهم ونعترف اننا فى خطر وان ماتش الاسماعيلى مش سهل ولكن كلنا أمل فى رجالة الأهلى وفى حبيبنا جوزيه يجيبوا الدورى خلونا نخلص بقى
<<<<<<<<<<<<<<<<<<<<<<
احم احم اما بالنسبة للسيرة الوحشة دى وهيا الامتحانات طبعا انا فعلا بمتحن سعادتك وكان عندى امبارح
بس شوية ترويش بقى بعدين دا الاهلى مش اى حد بس دعواتك عشان لو اما انجح ان شاء الله ليكى انتى وكل اللى فى المدونة عزومة جامدة جدا على واحد أرز بلبن من المالكى واى خدعة
و الله يا مانو أنا مش بتفرق معايا فوز الفرق و لكن بيفرق معايا أوى فوز المنتخب القومى المصرى أو هزيمته لا قدر الله ..
أيييييه فين أيام الكابتن فاروق جعفر ؟؟
أيام كانت الكوره فى الزمالك و الأهلى مزدهره بصحيح و اللعيبه غلابه و راضيين بقليلهم :))
تقبل تحياتى و تقديرى ..
مبرووووووووووووووووك
للاهلىىىىىىىىىىىى
مدام الاهلى مولع
اى فريق هيدلع
مبروووووووووووك للأهلى ولو ان ده العادى بتاعنا،شويه تناكه بقى هههههههه
أستاذ عمرو
<<<<<<<<<<<
طبعا كلنا اكتر حاجة تهمنا المنتخب وبس
بس برده الانتماءات للاندية دى احيانا بتأثر وفىا لاخر كله بيصب فى مصلحة المنتخب حضرتك بتقول زمان كانوا راضيين بقليلهم دلوقتى مش راضيين بملايينهم وكمان مش عاجبهم
نورت المدونة طبعا وتحياتى
الفراشة الصغيرة
<<<<<<<<<<<<<<
يادلع يادلع واحنا الأهلوية دايما رأسنا مرفوعة لا اسماعيلى يهم ولا طلائع تقدر تقول بم
بسنت
,,,,,,,
طبعا لازم يبقى فى تناكة احنا أهلوية
وان شاء الله نفرح اما ناخد الدورى كمان نورتى المدونة واتمنى التواصل الدائم تحياتى
إرسال تعليق