مش عارف ليه النهارده حاسس انه أول يوم بعد الثوره يعنى النهارده نقدر نفكر وماذا بعد الثوره ؟؟
نقدر نقول على الدكتور عصام حكومة انتقاليه ونفكر بقى فى التحاور لحل امن الدوله والإفراج عن المعتقلين
ونقول رئاسيه ولا برلمان الاول يعنى تفكير بجد بقى وكمان نقدر نكتب تأريخ للثوره فى مكتباتنا وكتبنا
وكمان بقى نفتكر الهتافات اللى كنا بنقولها واللى طلعها المصريين منين بجد مش عارف ولا ازاى
هيا جت كدا فى دماغى افتكر الهتافات هكتبهم اللى عنده حاجه مش موجوده يقول...
الشعب يريد اسقاط النظام
دا هتاف للتاريخ ولكل ثوره تيجى بعدنا تاخده وتبدا بيه طبعا كان فى كمان محاكمه النظام ومحاكمه الرئيس
بااااااااطل
أظن أنه هيبقى من أشهر هتافات الثورات عموما حاجه كدا كانت طالعه من القلب والميزه انه كان بيبقى لايق على كل ظالم
يامبارك يامبارك السعوديه فى انتظارك ياسوزان قولى للبيه هو متبت فيها كدا ليه
ياسوزان قولي للبيه ... ربع قرن كفايه عليه
ياجمال قول لأبوك شعب مصر بيكرهوك
دا طبعا حاجات كانت خاصه للعائله الكريمه 
ااااااااااه ااااااااااه يابلدنا ياتكيه ياوسيه لجمال والحرميه ولصاحب الضربه الجويه (مع الطبله بقى)
هو مبارك عايز ايه عايز الشعب يبوس رجليه لا يامبارك مش هنبوس بكره الشعب عليك هيدوس
ارحل يعنى امشى أصله مبيفهمشى
يلي فاضلك 6 شهور خد أجرتهم يلا وغور
ارحل ارحل يا حبيب ارحل يا وزير التعذيب
عز ياخاربها غور يلا وسيبها
هما بياكلوا حمام وبط ... وكل الشعب جاء له الضغط
ياحريه فينك فينك أمن الدوله بينا وبينك
شدى حيلك يابلد الحريه بتتولد
يا حمام طير طير ... قتلوا اخوانا في التحرير
اعتصام اعتصام..حتى يسقط النظام
وأخيرا
هناك 3 تعليقات:
ان شاء الله خير
و الله يحفظ بلاادكم ان شاء الله
يا حرية فينك فينك الطوارئ بيننا وبينك
الشعب والجيش أيد واحدة - مع انهم مش كده-
الله أكبر
النشيد الوطني وتحيا مصر وكمان الأغاني الوطنية
يارب يامانوينصركم
انا مصدومة في الريس جامد قوى
كنت بشفق علي تاريخه وعلي أول عشر سنين في حكمه ..
وكنت اتمني له نهايه غير دى خالص بس هو اللي عمالها في نفسه مش علي نفسه
أفهمني بقي وأصحي
إلا قولي يامانو هو المليار فيه كام ربع جنيه معدن مش ورق
فيه جمله خطيرة إتقالت من شاب إخوانجي
لما إتقال له انتو دخلتو الميدان في الهوجه وركبتو الموجهقال ياأبني هما لولاناكانت نجحو ده إحنامنظمين وهما مهرجلين
وأثناء النقاش اتأل له إحنا عارفين إنكم تجيدو سياسة النفس الطويل لحد متتربعو علي الكرسي بس ساعتها حيكون فيه ميدان تحرير رد الإخونجي عليه الشعب اللي إتمرمت وسكت ثلاثين سنه
مش حيتنفس لما ياخد علي الدماغه ثلاثين سنه تاني ويبقي يحلها الحلال.
خدو حذركم وربنا معاكم بس بلاش مظاهرات تاني إنتبوهو لمصر علشان خاطرى الخطر محوطها من كل جانب يارب أحرسها وأحرس اهلها وسماها وتربها وحدودها ونيلهاوأحفظ مجدها
تحياتي
إرسال تعليق