بسم الله نبدأ اجازه سعيده لمده 20 يوم تقريبا
بلدى مصر ومنتخب مصر اصبحوا مرتبطين ارتباط ليس له مثيل
بجد مبسوط جدا جدا والناس اللى بتتكلم بتقول ايه الفرحه الاوفر دى بقولهم كل واحد يخليه فى نفسه
سيبوا الناس تفرح اللى شفته فى الشوارع امبارح يخلينى اقول سيبوا الناس تفرح باى انتصار
الناس عايزه تضحك عايزه تحس ان فى نجاح ولازم نفتخر حتى لو كان فى الكوره
المنتخب الرائع الرجاله اللى بيلعبوا فيه دول مصريين والمدرب ومصر وحققوا انجاز لاول مره فى ا لتاريخ
اخدوا البطوله 3 مرات متتاليه والسابعه لينا عموما لازم نفرح بعشق الكوره لانها من اكتر الحاجات اللى بتحسسنى بالانتماء
واللى علينا اننا نفكر ازاى نستغل الانتماء دا ونوجهه صح لصالح بلدنا اما كل دول العالم تتكلم وتقول......
الفراعنه أثبتوا أنهم أسياد فريقيا لازم نفرح
أما ربنا يكرمنا برجاله عايزه تحقق هدف وتحققه لازم نفرح
اما نحس اننا بنحب العلم هنتعود نحتفظ بيه دايما.......
** كره القدم مش عيب ولا هيا حرام يابعض المعارضين ويابعض المدعين للاسلاميين
بجد ضايقنى التعليقات السخيفه اللى شفتها من بعض الناس فى الشوارع طيب الشمتانين واللى كانوا عيزنى نخسر وعارفينهم
انتو بتعملوا كدا ليه ماتخلوا الناس تفرح سيبوهم كل واحد فى حاله
اللى شفته فىا لشوارع امبارح افتخر بيه مع انى مكنتش عارف ارجع من الزحمه بس كنت مبسوط والله حتى لو هلف الدنيا كلها على رجلى......
** اسم مصراما يعلى فوق فى حاجه لازم نبقى كلنا وراها واللى عايز يستغل نجاحا لرياضه يستغله فى مجالات تانيه ويورينا همته
ان شاء الله هتعلى كمان وكمان وبغيظ فيكم برده هدخل انتصار الرياضه فى كل انتصار فى الدنيا عملناها
لأننا خير اجناد الأرض لان المصريين على مر العصور لو ركزوا فى حاجه بيحققوها حتى لو كانت مستحيله
قالوا عن بارليف مستحيل نعبره ودمرناه انا بتكلم عن انتصار الطاقه البشريه
من هكسوس لمغول لانجليز لفرنسيين ليهود مفيش حد فيهم أثر فينا ولا حد فيهم قعد عندنا ولا قدر علينا
ناخد الانتصار ونركزه فى مجالات تانيه كتير هنحس بقيمتنا صح لأننا عندنا ناس زى اللعيبه المتدينه بتاعتنا
يكفينا فخرا وشرفا ان العالم كله يتكلم ويقول هما بيسجدوا ليه ونتسمى منتخب الساجدين
أفتخر انى عندنا جيل زى الشباب اللى بيلعبوا فى المنتخب جيل عنده انتماء واصرار بالطريقه دى وأتمنى كلنا نتعلم وننفذ فى مجالاتنا
** وشكر واجب للجماهير العربيه اللى بتحب مصر بس اللى مش بيحبها طبعا ميلزمناش
ناس كتير خرجوا امبارح فى ا لشوارع مع المصريين سواء بلادهم او فى مصر
فىالشوارع امبارح كان فى علم السعوديه ولبنان والامارات وفلسطين طبعا انا بقول على اللى شفته امبارح واى حد فرحلنا اشكره
لأن دا برده انتصار للعروبه لو حد فينا حاسس كلمه العروبه صح اللى نفسى نرجعها زى زمان واحنا ياشباب قادرن نعمل دا والله
اتكلمت من قلبى لأنى محبش حد يرجع الفرحه مهما كانت سببها..............
.... سورى لو طولت عليكم بقى بس فرحان اعمل ايه مليش غيركم .....
سلام وانتظرونى فى الاجازه انا فضيت خلاص
مااااااااااااااانوووووووووووووووووو
هناك 16 تعليقًا:
النجاحات الصغيره بتولد نجاحات كبيره ،، يارب تصيبنا عدوى النجاح و نشوف مصر متألقه فى كل المجالات ،،، مبروك لمصر
الف مبروك لمصر
ومبروك ا نك خلصت امتحانات على خير ان شاء الله
تحياتى لك
أنا كمان بفرح أوى لما بشوف الشعب ده فرحان
و يااااارب نفرح فى كل المجالات زى الكورة كدة
long live EGYPT
الكوره اه مش عيب ولا حرام
بس عيب ما يكونش فيه غير الكوره نفلح فيها
وحرام تبقى فى ناس ميته من البرد والجوع
واحنا عمالين نوزع شقق وملاين على لعيبه الكوره
سيبك انت مبروك على الاجازه
وان شاء الله نشرب ساقع فى النتيجه
بسنت
......
يااااارب فعلا تصيبنا عدوى النجاحات مش عيب اننا نفكر بننجح ازاى فى اى مجال ونحاول ننفذ فى المجالات التانيه
أميره الاحلام
...........
الله يبرك فيكى الامتحانات دى قدر ومكتوب ولا نبارك عليها ولا نبارك بعدها هههههههههه تحياتى ليكى وتشرفت بالزياره
انا ودماغى
........
هيا الفرحه فعلا لاننا فرحتنا بتبقى من القلب وارداتنا فى اى مجال هتخلينا نستمر
نودى
.......
بنت بلدى منورانى طبعا كالعاده
انا معاكى انه كل دا حرام ومعاكى ان فى ناس بتظهر نفسها وناس بتعيش على قفى النجاح دابس اللى اقصده فرحه الناس نفسها الشوارع الشعب اللى لا ليه علاقه بحزب غاوى منظره ولا رجل اعمال بيقول وانا كمان عايز اتعرف
الشعب دا من حقه يفرح مش هنفضل ناخد كبت لغايه اما ينفجر
سيبك صحيح قولى يارب بس النجاح والساقع والجاتوهات كمان والله الترم كان مشدود عدى بسرعه ولا حسينا بيه
ميرسي جدا لزيارتك مدونتي وبجد شرفتني
ونورت البلوج
ثانيا مبرووووووووووك لمصر
ومبروك اننا خلصنا امتحانات اجازه سعيده للكل
تحياتي (خوخه)
السلام عليكم
كيفك أخي الكريم
بصراحة مريت صدفة على مدونتك وكنت حابب أستمر لكن مصدوم من اسم المدونة .. هذا الاسم اسم غير لائق بالمرة ولا يليق بشاب محترم ويفترض أن يكون شاب مثقفل مثلك كما أظن أن يتمسك به أو يتلفظه
بصراحة هذا العنوان جعلني لا أستمر في مطالعة مدونتك .. أتمنى لو تغيره حينما أبلغني لكي أعود لك وسيكون لي عظيم الشرف في ذلك بالطبع
وإن لم ترد فلك ما تريد .. لكن فقط وددت أن ألفت انتباهك
دمت بود
مبروك لمصر :)
أحمد الشريف
..........
وعليكم السلام بشكرك على المرور وتشرفت بزيارتك طبعا بشكرك جدا جدا على اهتمامك ولفت الانتباه
أنا شايف ان اسم المدونه ممكن ان يدعو للغرابه لا للصدمه لان الكلمه ملهاش معنى معين واذا كان كل واحد من الناس بيشكلها بطريقته دى مشكله الناس
انا تسميتى للمدونه على اساس معين وعلى اساس انا افهمه ومقتنع بيه انه لا يمس الدين ولا الأخلاق
انا متمسك باسم المدونه لانى مقتنع بيه
أحترم راى حضرتك طبعا ودا اختلاف وارد
وبشكرك على المرور مره تانيه
خوخه
....
زيارتى لمدونتك دا اضافه ليا بجد لأن
دا لازم يبقى طبع كل مدون وهو الإطلاع
ومبروك لمصر ويارب دايما فى نصر
اتمنى تكرار الزياره ان شاء الله نورتينى
أقصوصه
......
الله يبارك فيكى ومنوره المدونه بكلماتك البسيطه ومنتظرين الكتاب الجديد اللى هتبدأى فيه ان شاء الله
ان شاء الله النجاح دوم ... :)
و عقبال ما ننجح فكل شي ...
تيك كير ...
إنسانة
>>>>>>
يارب النجاح لينا فعلا فى كل شىء وكل مجال نورتى المدونه واتمنى التوفيق الدائك ليكى
إزيك كتير خالص
وفرحة مصر بفريقها كانت جميله ومعبره وأملي إننا نفرح ونحقق الفوز في جميع المجالات ولاتكون الكورة فقط هي سبب فرحنا ..
والبركة فيكم ياأمل بكره انكم تحققوا نجاحات في جميع المجالات ..
هو كده انت خلصت دراسة خلاص ع العموم الف مبروك وربنا يوفقك في حياتك العمليه وتحبها زى عملك الإجتماعي
تحياتي لك
بالحق هو انت من فبراير مدخلتش المدونه
انت رحت الجيش ولا آيه
يارب تكون بخير
إرسال تعليق