يمشى الخيال الى طموحات قادرة على تغيير التاريخ فاعيش حالة التفاؤل التى ليس لها مثيل هو تفاؤل التحضير وتفاؤل النجاح الذى صوره خيالى فى لحظة تفكير وبعد نشوة النجاح التى اعيشها.......
اتصدم..... ان عندى ميد ترم قريب ايه دا انا لسة بدرس انا لسة ادامى سنة انا مين انا فين يقولولى فوق يامضروب بقى وعيش الواقع اقولهم طيب مانا عايز اخلى دا واقع يقولولى خلص الهم اللى انت فيه الأول نيلة عليك وعلى دا جيل فاسد مش مقدرين النعمة اللى انتو فيها.
وبعد فاصل تحطيم الامال لا اجد امامى الا حالة واحدة هيا حزن واحساس بالعجز نظر للبيئة المحيطة من مجتمع سلبى وروتينى وغير متقبل للتغيير اعيش هذه الحالة فى حالة صمت اسمع للناس واتعجب لاحلام اصدقائى واتعجب لحلم التقدم واتعجب ايضا كيف يعيش هؤلاء الناس كيف لا يسمعون ولا يعيشون تلك حالة الحزن التى لا تصل لليأس هيا حزن فقط ..........
اكتشف...... ان الحياة كدا كدا ماشية انا مبسوط انا برقص انا بعيط الحياة بتجرى ومش هتستنى افكر ابقى مبسوط ولا حزين وان اللى عايز يعمل حاجة بيعملها على كلمتين تنمية بشرية والنجاح والتفاؤل استعيد حالة النشاط بمنطق احنا عايشين عايشين يبقى ليه نعيش خانقيني نفسنا لما ممكن نقضيها مبسوطين وخلاص.
ونظرا لجرعة التفاؤل الزايدة عن الحد التى ممكن ان تصل بى الى اللامبالاة ابدا فى الاستيقاظ من اندماج الحالات واحاول الوصول الى حالة استقرار نفسى تتماشى مع الطبيعة الانسانية للمجتمع المحيط وهيا بالتعامل مع كل موقف على قد حاجته وان يكو التفكير الدائم هو الاهم المهم وانا قاعد مسقر نفسيا بقى والحياة فل ترجعلى تانى احلامى وطموحاتى اللى مش ممكن انساها ابدا وارجع افكر فيها بالخطوات لانى مقتنع تامام انها ممكن تغير تاريخ كامل كل واحد ورايه بقى واما جتلى الطموحات والامال تانى قلت ياااااااه لسة هنكرر التجربة وافرح واحزن وغيره وغيره لا لا انا ادخل انام احسن خلى الجو يروق لدماغى ويرتاح من التفكير خالص.
ونمت ومعتقد انى هسترخى تماما بدون تفكير تخيلوا ايه اللى يحصل يجيلى التاكيد للحالة اللى المفروض اكون فيها هيا حالة التفاؤل استعداد لتحقيق الاحلام وتظنيشا لكل واحد بيحاول يوقعنى او لاى حد معتقد انى غلط او لاى حد فاكر انى بطلب انى اعمل المستحيل فى أحلامى بس برده الاحلام لازم ارتبها وادرسها صح واعرف وقتها امتى عشان مرجعش تانى اقع فى كل الحاجات اللى فاتت دى....
ومن هنا نكتشف ان الواد مانوووو عمل موضوع كبير عشان كان مضايق شوية.............
بس فعلا ارتحت شوية طول عمرى أقول الكتابة دى ملجاى الوحيد.............
يلا بقى اسيبكم على خير مع التخاريف بتاعتى دى ولو حد فهمها يفهمنى انا رايح انام عشان احلم بالطموحات..............
............. ماااااااااانوووووو ..............
هناك 20 تعليقًا:
سبحان الله
تقدر تقول لسه كنت في حوار سلبي زي ده النهاردة
وبرده شوية يأس مع تحطيم للاهداف
بس الفرق اني اتخرجت
اكتشفت بقى النهاردة لأول مرة ان التخرج ده مش حرية اكتر زي ما كنت متخيلة
طلع بالعكس تحكم اكتر وخصوصا ان التخرج معناه انك تدخل مجال الشغل.... طيب ايه اللي يحصل بقى لو عايز تشتغل في حاجة غير اللي كنت بتدرسها؟؟؟
طلعت دي حاجة تانية خالص مكنتش عاملة حسابها
ربنا يسهلها من عنده علشان مش هتيجي غير من عند ربنا كده
حاسة اني بقيت بتعب لما بفكر كتير في الموضوع ده اصلا
دى كلها تقلبات مزاجيه
او اكتائاب بيجى لناس كتير فى فصل الخريف والشتا وانا واحده منهم
اكيد بكره احلى صدقنى
انا جايه بس اشكرك على الزياره
وان شاء الله هاجى تانى بكره ولا بعده للقراءه
للظروف خاصه مش فاضيه انهارده للقراءه
معلش اعذرنى
الى لقاء
الواد مانو متضايق شوية
وضايقنا معاه
ههههههههه
فك يامانو مفيش حاجة تستاهل
وحشتنى جيت اسلم عليك لقيتك متنكد
فك يا واد وخليك فريش بلانكد
كفايه النكد اللى احنا فيه من فترة دا
ربنا يكرمك يا مانو
كل عام وانتي بخير :)
مجرد حلم صغنطوط
,,,,,,,,,,,,,,
عارفة احسن حاجة ان الواحد يبقى مرن ومتوقع كل حاجة وفى اى وقت اى نعم دى ممكن توصلنا لدرجة الجنون بس احسن ما نتفاجىء بواقع احنا مش عاملين حسابنا عليه نورتينى
nody
>>>>>
وفعلا هيا تقلبات او حالة مختلفة زى ما قلت واكيد بكرا احسن ان شاء الله نورتينى يا ابن بلدى
الفراغ
.......
يكفينى وقت حضرتك اللى قضيتيه فى الرد دا نورتينى يا استاذة بجد وان شاء الله منتظر زيارتك التانية
حلم بيعافر
...........
هههههههههههه يعنى ان مكنتش افضفض هنا هتكلم فين بس نورتنى وان شاء الله فكيت وكل زى الفل وتمام
والله مش عارفه يا مانو ايه اللي بيحصل للواحد وليه الاحباطات دي
بس اكيد الفرج من عند ربنا ربنا موجود معانا مش هيسبنا وكاتبلنا الخير
كل سنه وانت طيب :)
بسم الله الرحمن الرحيم
كل عام وانتم بخير والامة الاسلامية جمعاء
تقبلوا مروري الاول واسمحوا لي بالتجول في المدونة الطيبة والجميلة
تحياتي
همسات
......
هههههههههه نجلا فينك يابنتى والله ولا متنكد ولا حاجة دول شوية حالات كدا تغيرات عادية يعنى مانو متفائل زى ماهو
احنا ملناش غيره ابقى طمنينى عليكى
اقصوصة
......
اولا نورتى المدونة واتمنى تكرار الزيارة
كل سنة وانتى طيبة يارب وايام سعيدة علينا جميعا
معلش!
هـى الدنيا كده
ساعة تفائل وساعة ...
شد حيلك وربنا سبحانه وتعالى
معاك ومع كل اللى زيك من الشباب
الله يكون بعونهم وعونك على
ظروف بلدنا الصعبة.
ربنا يوفقك يارب
ويبعد عنك
شياطين
الانس
والجن
أزيك ياعم المتفائل
كده برديكي تطنش طنط وفاء ولا تسأل
أهئئئئئئئئئئئئئئئئئئئئ..
مكنش العشم ..
وبعدين ياسيدى أحلم براحتك وحاول تكون أخلامك قريبه من الواقع .
يارب تتحقق أحلامك وأولهاتنجح وتلاقي شغل وكمان بنت الحلال أمين . يالا ياعم أبسط
دعوه تمام
norahaty
..........
أكيد يادكتورة هيا ساعة كدا وساعة كدا وعشان كدا لازم نخرج اللى جوانا يمكن يكون الحل فى الكلام او حتى تطلع فكرة التغيير نورتينى كالعادة طبعا
الأستاذة وفاء بركات
أستاذتى الفاضلة وحشتينا والله وبدخل على مدونتك باستمرار ومش بلاقى جديد لكن فى بالى دايما والله واحلامى انجح والاقى شل وكل يبقى تمام ان شاء الله انما بنت الحلال دا موضوع مؤجل مش عايزين حاجة تعطلنا عن الأحلام هههههههههه نورتينة يا استاذة طبعا ويارب تشرفينى دايما كدا
بالتوفيييج
أخويه
منوووو
ما تخليش أي حاقة تؤف في طريئكـ
خليكـ جامد و اتمسكـ بأحلامك وما تخليش جرعة التفاؤل دي تبعد عنكـ أوي ..
:)
شكراً لزيارتكـ لمدونتي المتوااضعه ,,وربنا يوفئكـ :)
**
(( شو رايكـ بلهجتي المصرية ، ظبطتها ولا ؟؟ ))
دمت بوود
سمو الاميرة
........
هههههههههه
أولا بجد نورتينى والله وانا اللى اتشرفت بزيارتك بصى هيا اللهجة ممكن نقول فى أمل طالما انتى بتحاولى وانا معاكى ومصر كلها معاكى وتحيا الوحدة العربية كمان
جرعة التفاؤل لازم تكون جوانا دايما والا فعلا مش هنعيش البوست دا كان لحظة عدم ترتيب كدا اتمنى تكرار الزيارة ان شاء الله والتواصل بالمدونات تقبلى احترامى وتحياتى وبشكرك مرة تانية
إرسال تعليق